| e-texts navigator |
| Wylie |
212b1 ནི། བདག་ཅག་བརླག་པར་འགྱུར་བ་ཡིན་ཏེ། ཉེས་པ་བྱས་སོ་སྙམ་དུ་འགྱོད་ཅིང་གདུང་བར་གྱུར་ནས་བདག་ཅག་གི་སྐྱབས་ནི། མདོ་སྡེ་ཉིད་ཡིན་ཏེ། འཁྲ་ས་གཞན་མ་མཐོང་ངོ་སྙམ་དུ
212b2 སེམས་བསྐྱེད་པར་བྱེད་ན། དེ་དག་ནི། ཟླ་བ་ཕྱེད་དམ་ཟླ་བ་གཅིག་གམ། དུས་ཇི་སྲིད་ཀྱི་བར་དུ་མདོ་སྡེ་ལ་སྐྱབས་སུ་མ་སོང་བའི་བར་དུ་ནི། དེ་དག་ལ་བྱིན་པ་འབྲས་བུ་ཆུང་བར་འགྱུར
212b3 རོ། །གང་གི་ཚེ་མདོ་སྡེ་ལ་སྐྱབས་སུ་སོང་བ་དེའི་ཚེ་ནི། དེ་དག་ཀྱང་ཡོན་གནས་སུ་འགྱུར་རོ། །གལ་ཏེ་མཚམས་མེད་པ་བྱེད་བྱེད་པའང་འགྱོད་དེ། ཀྱེ་མ་བདག་གིས་མི་རིགས་པ་བྱས་ཀྱི།
212b4 བདག་གིས་དམ་པའི་ཆོས་དབྱུང་བར་བྱའོ་སྙམ་དུ་སེམས་ན། དེའང་མཚམས་མེད་པ་བྱེད་བྱེད་པ་མ་ཡིན་པར་རིག་པར་བྱ་སྟེ། དེ་ལ་ནི། ཆུང་ངུ་ཞིག་བྱིན་ནའང་འབྲས་བུ་ཡོད་དོ། །མཆོག
212b5 ཏུ་ཚུལ་ཁྲིམས་འཆལ་བ་གཅིག་ཤོས་དེ་དག་ལ་བྱིན་པ་ནི། འབྲས་བུ་ཆུང་ཟད་ཀྱང་མེད་དོ། །རིགས་ཀྱི་བུ། གཞན་ཡང་ཕམ་པ་བྱེད་བྱེད་པས་ཇི་ལྟར་བྱ་བ་ཉོན་ཅིག་།ཕམ་པ་བྱེད་བྱེད་པས
212b6 ནི། ཆོས་ཀྱི་དེ་ཁོ་ན་ཉིད་དེ་བཞིན་གཤེགས་པའི་སྙིང་པོ་ཁོང་དུ་ཆུད་པར་བྱས་ནས་དམ་པའི་ཆོས་དབྱུང་བར་བྱའོ་སྙམ་དུ་བསམ་ན། དེ་ལ་བྱིན་པའང་ཆོས་ཁྱད་པར་ཅན་དུ་འགྱུར་རོ། །
212b7 རིགས་ཀྱི་བུ། དཔེར་ན། བུད་མེད་སྦྲུམ་མ་ཞིག་ཡུལ་འཁྲུགས་ནས་ཡུལ་གཞན་དུ་སོང་སྟེ་ལྷ་གང་ཞིག་གི་ནང་དུ་བུ་ཁྱེའུ་ཞིག་བཙས་ཏེ། དེ་བདེ་བར་གྱུར་ནས་ཁྱེའུ་དེ་ཁྱེར་ཏེ་བདག་གི
iiif viewer powered by OpenSeadragon
