| e-texts navigator |
| Wylie |
212a1 དང་། མདོ་སྡེ་སྤོང་བར་བྱེད་པ་དེ་དག་ཉིད་དོ། གསོལ་པ། བཅོམ་ལྡན་འདས། ཅི་ལགས། དེ་དག་རྟག་ཏུ་ཚུལ་ཁྲིམས་འཆལ་བ་ཁོ་ན་ལགས་སམ། བཀའ་སྩལ
212a2 པ|་འདི་ལ་རྒྱུ་ཡོད་དེ། དེས་ན་ཡེ་རྟག་པའང་ཡོད། ཡེ་མི་རྟག་པའང་ཡོད་དེ། གང་དག་གོས་ཆོན་ཅན་གྱི་རྟགས་ཅན་རྣམས་དང་ལྷན་ཅིག་ཏུ་མི་གནས་ཤིང་། ཀྱེ་མ་བདག་ཅག་ནི། ཕམ
212a3 པ་བྱུང་བ་ཡིན་ཏེ། བདག་ཅག་གིས་ཉེས་པ་བྱས་སོ་སྙམ་ནས་འཇིགས་པར་ལྟ་ལ། དེ་དག་དམ་པའི་ཆོས་དབྱུང་བར་བྱའོ་སྙམ་ནས་ཉམས་སུ་ལེན་པར་བྱེད་ཅིང་དམ་པའི་ཆོས་ཀྱི
212a4 ཕྱོགས་འཛིན་པ་རྣམས་ཀྱི་བསྔགས་པ་བརྗོད་པར་བྱའོ། །ཆོས་མ་ཡིན་པའི་ཕྱོགས་རྣམས་ནི། ཚར་གཅད་པར་བྱའོ། །མཚུངས་པ་མེད་པའི་མདོ་སྡེ་རྣམས་ནི། གདོན་པར་བྱའོ་སྙམ་དུ
212a5 བརྩོན་པར་བྱེད་པ་གང་ཡིན་པ་དེ་དག་ཚུལ་ཁྲིམས་འཆལ་བ་ཡིན་ནོ། །ཞེས་ང་མི་ཟེར་རོ། །དེ་ཅིའི་ཕྱིར་ཞེ་ན། རིགས་ཀྱི་བུ། དཔེར་ན། ཉི་མ་ཤར་ན་ལྷོ་བུར་གྱི་རྡུལ་སངས་པར་འགྱུར
212a6 བདེ་བཞིན་དུ་མདོ་སྡེ་ཆེན་པོའི་ཉི་མ་འདི་ཤར་བ་ན་དེ་ལྟར་སྒོམ་བྱེད་པའི་སེམས་ཅན་རྣམས་ཀྱི་སྡིག་པའི་ཕུང་པོ་གྲངས་མེད་པ་བྱས་པ་རྣམས་ཟད་པར་འགྱུར་ཏེ། དེ་ལྟར་ན། དམ་པའི
212a7 ཆོས་འབྱིན་པ་ནི། འབྲས་བུ་ཆེ་བ་ཡིན་ནོ། །མཚམས་མེད་པ་བྱེད་བྱེད་པ་རྣམས་དང་། མདོ་སྡེ་སྤོང་བ་གང་ཡིན་པ་དེ་དག་གལ་ཏེ་ཀྱེ་མ་བདག་ཅག་གིས་མདོ་སྡེ་སྤང་བ་བྱས་པ་འདི
iiif viewer powered by OpenSeadragon
