| e-texts navigator |
| Wylie |
211b1 འཆལ་བར་བརྩི་བ་གང་ཡིན་པའོ། །གསོལ་པ། བཅོམ་ལྡན་འདས། བཅོམ་ལྡན་འདས་ལ་དེང་བདག་འདི་ཁོ་ན་ཞུ་ལགས་ན། མྱུར་དུ་བཀའ་སྩལ་དུ་གསོལ། བཀའ་སྩལ་པ། འདོད་ཆེན་པ་མ
211b2 གཏོགས་པར་སྦྱིན་པ་ནི། ཐམས་ཅད་དུ་བསྔགས་པ་ཡིན་ནོ། །གསོལ་པ། འདོད་ཆེན་པ་ཇི་ལྟ་བུ་ལགས། བཀའ་སྩལ་པ། དགེ་སློང་དམ། དགེ་སློང་མའམ། དགེ་བསྙེན་ནམ། དགེ་བསྙེན
211b3 མའང་རུང་སྟེ། ཚིག་ངན་པས་མདོ་སྡེ་སྤངས་ནས་ཕྱིས་བཟོད་པ་གསོལ་བར་ཡང་མི་བྱེད་པ་དེ་ལྟ་བུ་གང་ཡིན་པ་དེ་ནི། འདོད་ཆེན་པའི་ལམ་དུ་ཞུགས་པ་ཡིན་ནོ། །ཕ་མ་པ་བཞི་བྱུང་བ་རྣམས
211b4 དང་། མཚམས་མེད་པ་ལྔ་བྱེད་བྱེད་པ་གང་ཡིན་པ་དེ་དག་ནི། བདག་ཅག་འཇིགས་པའི་གནས་སུ་ཞུགས་སོ་སྙམ་དུ་ཤེས་ཀྱང་འཇིགས་པར་མི་ལྟ་བ་དམ་པའི་ཆོས་ཀྱི་ཕྱོགས་ཀྱང་མི་འཛིན
211b5 དམ་པའི་ཆོས་དབྱུང་ངོ་སྙམ་དུ་འབད་པར་ཡང་མི་བྱེད་ལ། དེ་ཉིད་ཀྱི་བསྔགས་པ་མ་ཡིན་པར་ཡང་རྗོད་པར་བྱེད་པ་དེ་དག་ཀྱང་འདོད་ཆེན་པའི་ལམ་དུ་ཞུགས་པ་ཡིན་ནོ། །སངས་རྒྱས་མེད་དོ། །
211b6 ཆོས་མེད་དོ། །དགེ་འདུན་མེད་དོ། །ཞེས་ཟེར་བ་གང་ཡིན་པ་དེ་དག་ཀྱང་འདོད་ཆེན་པའི་ལམ་དུ་ཞུགས་པ་ཡིན་ནོ། །ཞེས་ང་ཟེར་ཏོ། །འདོད་ཆེན་པོ་དེ་དག་མ་གཏོགས་པར་སྦྱིན་པ་ཐམས་ཅད
211b7 དུ་བསྔགས་སོ། །གསོལ་པ། དེ་ལ་ཚུལ་ཁྲིམས་འཆལ་བ་ཞེས་བགྱི་བ་གང་དག་ལགས། བཀའ་སྩལ་པ། ཕམ་པ་བཞི་བྱེད་བྱེད་པ་རྣམས་དང་། མཚམས་མེད་པ་ལྔ་བྱེད་བྱེད་པ་རྣམས
iiif viewer powered by OpenSeadragon
