| e-texts navigator |
| Wylie |
211a1 མི་མཆོག་རྣམས་ལ་ནི། སངས་རྒྱས་ཀྱི་རྣམ་པར་འཕྲུལ་པའི་མཐུ་ཡོད་དོ། །མགར་བའི་བུ་ཙུནྡའང་བྱང་ཆུབ་སེམས་དཔའ་སེམས་དཔའ་ཆེན་པོ་ས་བཅུ་ཐོབ
211a2 པ་ཡིན་ཏེ། བྱང་ཆུབ་སེམས་དཔའ་རྣམས་ཀྱི་མཆོག་གི་མཐར་ཐུག་པ་ནི། དེ་ལྟ་བུ་ཡིན་ནོ། །འོད་སྲུང་ཆེན་པོ་དང་རུས་གཅིག་པས་གསོལ་པ། བཅོམ་ལྡན་འདས། དེ་ནི། དེ
211a3 ལགས་ཏེ། བྱང་ཆུབ་སེམས་དཔའ་རྣམས་ཀྱི་ནང་ན་མི་མཆོག་ཙུནྡ་ལ་བདག་རྗེས་སུ་ཡི་རང་ལགས་སོ། །བཅོམ་ལྡན་འདས། ད་ནི། མདོ་སྡེ་རྣམས་བཤད་པའི་སླད་དུ་གནང་བ
211a4 མཛད་པའི་རིགས་སོ། །བཅོམ་ལྡན་འདས། ཅི་ལགས། མདོ་སྡེ་ཐམས་ཅད་ལྷག་མ་མཆིས་པའི་དོན་ལགས་སམ། འོན་ཏེ་ལྷག་མ་མ་མཆིས་པའི་དོན་ལགས། བཀའ་སྩལ་པ།
211a5 ལྷག་མ་ཡོད་པའི་དོན་ཀྱང་ཡིན། ལྷག་མ་མེད་པའི་དོན་ཀྱང་ཡིན་ནོ། །གསོལ་པ། སྦྱིན་པ་ཀུན་ཏུ་བསྔགས་པ་ཡིན། །སྦྱིན་པ་གང་དུའང་སྨད་པ་མེད། ཅེས་བགྱི་བ་འདིར་ལྷག
211a6 མ་མཆིས་པའི་དོན་དུ་ཇི་ལྟར་བཤད་ལགས། ཚིགས་སུ་བཅད་པའི་དོན་ནི། གང་ལགས། ཚུལ་ཁྲིམས་དང་ལྡན་པ་དང་། ཚུལ་ཁྲིམས་འཆལ་བའི་བྱེ་བྲག་ནི། ཅི་མཆིས།
211a7 བཀའ་སྩལ་པ། གཅིག་མ་གཏོགས་པར་སྦྱིན་པ་ནི། ཐམས་ཅད་དུ་བསྔགས་སོ། །གསོལ་པ། མ་གཏོགས་པ་གང་ལགས། བཀའ་སྩལ་པ། མདོ་འདི་ལས་ཚུལ་ཁྲིམས
iiif viewer powered by OpenSeadragon
