| e-texts navigator |
| Wylie |
210b1 ཡང་དག་པར་འཚལ་ཏེ། འདི་ནི། ཐབས་ཙམ་དུ་མཛད་པར་བས་སོ་སྙམ་དུ་སེམས་ལགས་སོ། །ཉན་ཐོས་ཀྱི་ཚོགས་རྣམས་ཀྱིས་ནི། ཀྱེ་མ་དེ་བཞིན་གཤེགས་པ་ནི། དཔག་ཏུ་མེད
210b2 པ་དང་། རྟག་པ་ལགས་སོ་སྙམ་དུ་མ་འཚལ་ལགས་སོ། །དེ་ནས་བཅོམ་ལྡན་འདས་ཀྱིས་མགར་བའི་བུ་ཙུནྡ་ལ་བཀའ་སྩལ་པ། ཙུནྡ། ཁྱོད་ཀྱིས་ངོ་མཚར་རྨད་དུ་བྱུང་བ་ཅི་མཐོང་།
210b3 གསོལ་པ། བཅོམ་ལྡན་འདས། སྔར་ནི། དེ་བཞིན་གཤེགས་པ་ཡ་མཚན་གྱི་མཆོག་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་མངའ་བ་དུ་མ་མཐོང་བ་ལས། ད་ནི། རང
210b4 རང་གིས་བསྒྱུར་ནས་འདི་ན་བྱང་ཆུབ་སེམས་དཔའ་སེམས་དཔའ་ཆེན་པོ་ལུས་ཆེན་པོ་དག་ཏུ་སྣང་ལགས་སོ། །དེ་བཞིན་གཤེགས་པ་ནི། དུག་སྨན་གྱི་སྡོང་པོ་ལྟ་བུའི་སྐུ་གཅིག་པུར
210b5 གྱུར་ཏེ|་བྱང་ཆུབ་སེམས་དཔའ་རྣམས་ཀྱིས་བསྐོར་བར་གདའ་ལགས་སོ། །བཀའ་སྩལ་པ། སངས་རྒྱས་སྔ་མ་གང་ཡིན་པ་དེ་དག་ནི། སེམས་ཅན་ཐམས་ཅད་ལ་ཕན་པ་དང་། བདེ
210b6 བ་དང་། ཡིད་དགའ་བར་བྱ་བ་དང་། བསོད་ནམས་མི་ཟད་པར་བྱ་བའི་ཕྱིར་སྤྲུལ་པ་ཡིན་ཏེ། སྒྱུ་འཕྲུལ་འདི་ནི། བྱང་ཆུབ་སེམས་དཔའ་རྣམས་མ་གཏོགས་པར་སེམས་ཅན་རྣམས་ཀྱིས
210b7 མི་ཤེས་སོ། །དེ་ལྟར་ན། བྱང་ཆུབ་སེམས་དཔའི་སྤྱོད་པ་ནི། དཔག་ཏུ་མེད་དོ། །དེ་ལྟར་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། དཔག་ཏུ་མེད་དོ། །བྱང་ཆུབ་སེམས་དཔའ
iiif viewer powered by OpenSeadragon
