| e-texts navigator |
| Wylie |
20a1 དང་འདྲ་བར་གྱུར་ཏེ། ས་ཕྱོགས་དེ་དག་དེ་ལྟར་དགའ་དགའ་ལྟར་འདུག་ཀྱང་ལྷ་དང་། ལྷ་མ་ཡིན་དང་། མི་དེ་དག་དེ་བཞིན་གཤེགས་པ་ཡོངས་སུ་མྱ་ངན་ལས་འདའ
20a2 བའི་ཕྱིར་ཤིན་ཏུ་དུའོ། །གཞན་ཡང་དེའི་ཚེ་རྒྱལ་ཆེན་བཞིའི་རིས་ཀྱི་ལྷ་རྣམས་རང་རང་གི་འཁོར་ལ་འདི་སྐད་ཅེས་ཟེར་ཏེ། གྲོགས་པོ་དག་ལྟོས། གྲོགས་པོ་དག་ལྟོས། ལྷ་དང་། ལྷ་མ
20a3 ཡིན་དང་། མི་རྣམས་ཀྱི་དེ་བཞིན་གཤེགས་པའི་མཆོད་པའི་ལས་ཁྱད་པར་དུ་འཕགས་ལ། དེ་བཞིན་གཤེགས་པ་ལ་ཞལ་ཟས་ཀྱི་ཐ་མ་འབུལ་བ་ལ་བརྩོན་གྱི། གྲོགས་པོ་དག་།
20a4 བདག་ཅག་ཀྱང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་སོ་སོ་ནས་མཆོད་པ་བྱའོ། །ཞལ་ཟས་ཀྱི་ཐ་མའང་དབུལ་བར་བྱའོ། །གལ་ཏེ་བདག་ཅག་གིས
20a5 ཕུལ་བའི་ཞལ་ཟས་ཀྱི་ཐ་མ་བཅོམ་ལྡན་འདས་ཀྱིས་བཞེས་པར་གྱུར་ན། དེ་ལས་བདག་ཅག་གིས་སྦྱིན་པའི་ཕ་རོལ་ཏུ་ཕྱིན་པ་ཆེན་པོ་ཐོབ་པར་འགྱུར་རོ། །ཞེས་དེ་དག་གིས་དེ་སྐད་ཅེས
20a6 སྨྲས་ནས་གཡོག་འཁོར་མང་པོ་གྲངས་མེད་པ་དང་བཅས་པས་མཆོད་པ་སྔ་མའི་ཉིས་འགྱུར་གྱི་མཆོད་པ་དང་། ཞལ་ཟས་མང་པོ་དག་ཁྱེར་རོ། །མེ་ཏོག་མང་པོ་དག་ཀྱང་ཁྱེར་ཏེ། འདི་ལྟ་སྟེ།
20a7 མནྡཱ་ར་བ་རྣམས་དང་། མནྡཱ་ར་བ་ཆེན་པོ་རྣམས་དང་། ཀེ་ཀེ་རུ་ཀ་རྣམས་དང་། ཀེ་ཀེ་རུ་ཀ་ཆེན་པོ་རྣམས་དང་། མཉྫུ་ཥ་ཀ་རྣམས་དང་། མཉྫུ་ཥ་ཀ་ཆེན་པོ་རྣམས་དང་། སནྟ་ན་ཀ་རྣམས
iiif viewer powered by OpenSeadragon
