| e-texts navigator |
| Wylie |
209b1 འགྱུར་ཏེ། ཡལ་ག་ཕྲེའུ་དང་། སྦལ་མིག་བྱེ་བ་དང་། ལོ་མ་ཁ་འབུས་པ་དང་ལྡན་པར་འགྱུར་རོ། །འཁོར་བཞི་པོ་ལས་གཞི་གསུམ་རྟག་པར་རྗེས་སུ་ཡི་རང་བའི་གཏམ་འདི་ཕན་ཚུན
209b2 ཐོས་ན|་བྱང་ཆུབ་ཀྱི་སེམས་བསྐྱེད་མི་དགོས་པར་འཛིན་ཀྱང་གཞི་གསུམ་མཆོག་ཏུ་རྟག་པའི་རྒྱུས་ན་བྱང་ཆུབ་ཀྱི་རྒྱུ་སྐྱེ་བར་འགྱུར་ཏེ། འདི་ནི། སངས་རྒྱས་ཀྱི་རྗེས་སུ་ཡི་རང་བ་ཞེས
209b3 བྱའོ|་|གཞི་གསུམ་རྟག་པ་ལས་བྱུང་བའི་རྗེས་སུ་ཡི་རང་བ་འདི་དགེ་སློང་ངམ། དགེ་སློང་མ་གང་དག་སེམས་ཅན་རྣམས་ལ་སྟོན་པར་བྱེད་པ་དེ་དག་ནི། ཡུལ་འཁོར་གྱི་བསོད་སྙོམས
209b4 ཟ་བར་འོས་པ་ཡིན་ནོ། །གཅིག་ཤོས་དག་ནི། འོས་པ་མ་ཡིན་ནོ། །ཇི་ལྟར་རྗེས་སུ་ཡི་རང་བ་འདིས་གཏོལ་བ་དེ་འཇིག་རྟེན་ཐམས་ཅད་དུ་བདེ་བར་གྱུར་པའི་ཆོས་ཀྱི་བདེན་པ་དེས་ནི། དམ
209b5 བའི་ཆོས་འདོད་པ་རྣམས་ལ་བགེགས་མེད་པ་དང་། གནོད་པ་མེད་པར་གྱུར་ཅིག་།དེ་ནས་ལྷ་དང་། ལྷ་མ་ཡིན་དང་། མི་དང་བཅས་པའི་འཇིག་རྟེན་གྱིས་དེ་བཞིན་གཤེགས་པ་རྟག་པར
209b6 ཁོང་དུ་ཆུད་ནས་རབ་ཏུ་དགའ་བའི་སེམས་དང་། དགེ་བའི་སེམས་དང་། སྒྲིབ་པ་དང་བྲལ་བའི་སེམས་དང་། གཞོལ་བ་མེད་པའི་སེམས་དང་། པདྨ་ཁ་བྱེ་བ་ལྟ་བུའི་བཞིན་དང་ལྡན་པར
209b7 གྱུར་ནས་ལྷའི་མཆོད་པ་ཆེན་པོའི་ལས་བྱས་ཏེ། མེ་ཏོག་དང་། ཕྱེ་མ་དང་། བདུག་པ་དང་། སྤོས་ཀྱིས་བསྒོ་བ་ལ་སོགས་པ་གཏོར་ཏོ། །སིལ་སྙན་ལ་སོགས་པའང་དཀྲོལ་ཏོ། དེ་ནས་བཅོམ
iiif viewer powered by OpenSeadragon
