| e-texts navigator |
| Wylie |
206a1 ཀྱི་བུ|་གཞན་ཡང་མདོ་སྡེ་འདི་ཐོས་ནས་དེ་བཞིན་གཤེགས་པ་རྟག་པར་ཤེས་ཤིང་ཁོང་དུ་ཆུད་པ་གང་ཡིན་པ་དེ་དག་ནི། ལྷའི་མིག་དང་ལྡན་པ་ཡིན་ནོ། །
206a2 ཞེས་ང་ཟེར་རོ། །ལྷའི་མིག་དང་ལྡན་དུ་ཟིན་ཀྱང་དེ་བཞིན་གཤེགས་པ་རྟག་པར་མི་ཤེས་པ་གང་ཡིན་པ་དེ་དག་ནི། ཤའི་མིག་དང་ལྡན་པ་ཡིན་ནོ། །ཞེས་ང་ཟེར་རོ། །དེ་དག་ནི།
206a3 ད་དུང་བསྐལ་པ་བྱེ་བ་མང་པོར་ཡང་བདག་གི་མགོ་མཇུག་ཅི་འདྲ་བའང་མཐོང་བའམ། བསྟན་པར་མི་ནུས་ཏེ། དེ་བས་ན། དེ་དག་ནི། དེ་བཞིན་གཤེགས་པ་རྟག་པར་བསྒོམ
206a4 པ་དང་བྲལ་བའི་ཕྱིར་ཤའི་མིག་དང་ལྡན་པ་ཞེས་ང་ཟེར་རོ། །རིགས་ཀྱི་བུ། གཞན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི། འཇིག
206a5 རྟེན་ཐམས་ཅད་ཀྱི་ཕ་མ་ལྟ་བུ་ཡིན་ནོ། །ཅིའི་ཕྱིར་ཞེ་ན། སེམས་ཅན་རྐང་གཉིས་དང་། རྐང་མང་ཐམས་ཅད་ལ་རང་རང་གི་ཡུལ་བཞིན་དུ་ཆོས་སྟོན་ཅིང་ཚིག་གཅིག་གིས་སེམས
206a6 ཅན་ཐམས་ཅད་ཀྱིས་རང་རང་གི་ཡུལ་བཞིན་དུ་ཤེས་པར་འགྱུར་ཏེ། ཀྱེ་མ་བདག་ཅག་གི་རང་བཞིན་དང་། འདུ་ཤེས་རྣམས་རྟོགས་པར་བྱ་བའི་ཕྱིར་ཆོས་སྟོན་ཏོ་སྙམ་དུ
206a7 འཛིན་ཏོ། །རིགས་ཀྱི་བུ། གཞན་ཡང་དཔེར་ན། ཁྱིམ་བདག་གམ། ཚོང་དཔོན་ཡང་རུང་སྟེ། རང་གི་བུ་ཟླ་བ་བཅུ་དྲུག་ལོན་པ་དང་ལྷན་ཅིག་ཏུ་ལྐུག་པ་བཞིན་དུ་སྨྲ་བར་བྱེད
iiif viewer powered by OpenSeadragon
