| e-texts navigator |
| Wylie |
205b1 ཆེན་པོ་རྣམས་གཡོག་འཁོར་མི་ཕྱེད་པ་དང་ལྡན་པར་འགྱུར་ལགས། བཀའ་སྩལ་པ། བྱང་ཆུབ་སེམས་དཔའ་མི་མཆོག་རྣམས་ནི། དམ་པའི་ཆོས་དབྱུང་བར་བྱའོ་སྙམ་དུ་དེའི
205b2 སྦྱོར་བ་བརྟན་པོར་བྱས་ན། གཡོག་འཁོར་མི་ཕྱེད་པ་དང་ལྡན་པར་འགྱུར་རོ། །གསོལ་པ། སེམས་ཅན་མ་རུངས་པ། འཇིགས་སུ་རུང་བ། ལྕེ་དང་། རྐན་དང་། ལྐོག་མ་ཚིག་པ་རྣམས
205b3 ཅི་ལས་འགྱུར་ལགས། བཀའ་སྩལ་བ། གཞི་གསུམ་མི་ཤེས་པ་གང་ཡིན་པ་དེ་དག་ནི། སེམས་ཅན་མ་རུངས་པ། འཇིགས་སུ་རུང་བ། ལྕེ་དང་། རྐན་དང་། ལྐོག་མ་ཚིག་པར
205b4 འགྱུར་རོ། །དཔེར་ན། མི་དང་། དུད་འགྲོའི་ལྕེ་ཚིག་བ་རྣམས་ཀྱིས་རོ་དྲུག་སྟེ། མངར་བ་དང་། སྐྱུར་བ་དང་། ལན་ཚྭའི་རོ་དང་། ཚ་བ་དང་། ཁ་བ་དང་། བསྐ་བ་རྣམས་ཟ་བ་ན་རོའི་བྱེ་བྲག
205b5 མི་ཕྱེད་པ་དེ་བཞིན་དུ་སེམས་ཅན་མི་ཤེས་པ། ལྕེ་དང་། རྐན་དང་། ལྐོག་མ་ཚིག་པ། མ་རུངས་པ། འཇིགས་སུ་རུང་བ། གཞི་གསུམ་རྟག་པར་མི་ཤེས་པ་གང་ཡིན་པ་དེ་དག་ནི།
205b6 ལྕེ་དང་། རྐན་དང་། ལྐོག་མ་ཚིག་པ་ཞེས་བྱའོ། །རིགས་ཀྱི་བུ། གཞན་ཡང་དེ་བཞིན་གཤེགས་པ་རྟག་པར་མི་ཤེས་པ་གང་ཡིན་པ་དེ་དག་ནི། དམུས་ལོང་གི་མཆོག་ཡིན
205b7 ནོ། །ཞེས་པ་ཟེར་རོ། །དེ་བཞིན་གཤེགས་པ་རྟག་པར་ཤེས་པ་གང་ཡིན་པ་དེ་དག་ནི། ཤའི་མིག་དང་ལྡན་པ་ཡིན་དུ་ཟིན་ཀྱང་ལྷའི་མིག་དང་ལྡན་པ་ཡིན་ནོ། །ཞེས་ང་ཟེར་རོ། །རིགས
iiif viewer powered by OpenSeadragon
