| e-texts navigator |
| Wylie |
205a1 པས་རིན་ཆེ་བ་ཡིན་ནོ། །ཞེས་བྱས་ཀྱང་དེ་དག་གི་བརྡ་མི་ཕྲད་ནས་འདི་ནི། ཤེལ་ཡིན་ནོ། །ཞེས་དེ་སྐད་ཟེར་རོ། །རིགས་ཀྱི་བུ། དེ་བཞིན་དུ་ངས་ཀྱང་ཉན
205a2 ཐོས་རྣམས་གལ་ཏེ་སངས་རྒྱས་ཀྱི་གནས་སུ་མྱུར་དུ་སངས་རྒྱས་སུ་ལུང་བསྟན་པས་ལུང་བསྟན་དུ་ཟིན་ཀྱང་ནོར་བུ་དཀོན་པ་ཚོང་བའི་མཉན་པ་བཞིན་དུ་འགྱུར་རོ། །གདོལ་པ་རྣམས
205a3 ལྟ་བུ་ནི། མ་འོངས་པའི་དུས་ན་དགེ་སྦྱོང་བླུན་པོ། གཡེལ་བ། དགེ་བའི་རྩ་བ་སྤངས་པ། འཚོ་བས་ཕོངས་པ། བཀྲེས་ཤིང་སྐོམ་པས་གཟིར་བ། མུ་གེས་མནར་བ། རང་གི
205a4 ལུས་ཙམ་གསོ་བར་བྱེད་པ། འཚོ་བ་དོན་དུ་གཉེར་བ། མི་བརྟན་པ་རྣམས་འབྱུང་བར་འགྱུར་བ་དེ་དག་ཡིན་ཏེ། དེ་དག་གིས་ངའི་ཉན་ཐོས་ལུང་བསྟན་པ་ཐོས་ན་འཕྱས་འདོགས
205a5 ཤིང་གཤེ་བར་འགྱུར་ལ། བརྡ་མི་ཕྲད་ནས་ཚུལ་ཁྲིམས་འཆལ་པ་ཡིན་ནོ། །ཞེས་བླ་བར་བྱེད་དོ། །ངའི་ཉན་ཐོས་དེ་དག་ནི། དགེ་སྦྱོང་མ་ཡིན་ཏེ། །གདོལ་བ་རྣམས་དང་། མཉན
205a6 པ་ཇི་ལྟ་བ་བཞིན་ནོ། །རིགས་ཀྱི་བུ། དེ་བས་ན། ང་ནི། སེམས་ཅན་མྱུར་བའི་སྨོན་ལམ་ཅན་རྣམས་ནི། སངས་རྒྱས་སུ་ལུང་སྟོན་པར་བྱེད་དོ། །དམ་པའི་ཆོས་དབྱུང་བའི་སྦྱོར་བ
205a7 ཅན་དེ་དག་ནི། ཇི་ལྟར་འདོད་པ་བཞིན་དུ་ཡུན་རིང་པོ་ཞིག་གིས་སངས་རྒྱས་ཀྱི་གནས་སུ་ལུང་སྟོན་པར་བྱེད་དོ། །གསོལ་པ། ཇི་ལྟར་ན། བྱང་ཆུབ་སེམས་དཔའ་སེམས་དཔའ
iiif viewer powered by OpenSeadragon
