| e-texts navigator |
| Wylie |
204a1 ལས་འདས་པ་ཆེན་པོ་ཞེས་བྱའོ། །གསོལ་པ། ཐ་དད་པ་ཁོ་ནར་གདའ་ལགས་སོ། །བཀའ་སྩལ་པ། ཇི་ལྟར་སྣང་། གསོལ་པ། ཉན་ཐོས་དང་། རང་སངས
204a2 རྒྱས་དང་། བྱང་ཆུབ་སེམས་དཔའ་རྣམས་ཀྱང་ཡོངས་སུ་མྱ་ངན་ལས་འདས་པ་ཆེན་པོས་ཡོངས་སུ་མྱ་ངན་འདས་པར་འགྱུར་ཏེ། ཆུ་ཀླུང་རྣམས་རྒྱ་མཚོར་འབབ་པ་བཞིན་དུ་དེ
204a3 དག་གི་གནས་ཀྱང་དེ་ལགས་སོ། །དེ་བས་ན། དེ་དག་ཀྱང་རྟག་པ་ཞེས་བགྱིའོ། །བཀའ་སྩལ་པ། དེ་དག་ནི། ངའི་མཆོག་ཏུ་རྟག་པ་ཡིན་ནོ། །གསོལ་པ། བཅོམ་ལྡན་འདས།
204a4 ཁམས་ཐ་དད་པ་མ་མཆིས་པ་དང་། ཐ་དད་པ་ཇི་ལྟ་བུ་ལགས། བཀའ་སྩལ་པ། ཐ་དད་དོ། །གསོལ་པ། ཇི་ལྟ་བུ་ལགས། བཀའ་སྩལ་པ། དཔེར་ན། བའི་འོ་མ་ནི། མཆོག
204a5 ཏུ་མངར་བ་ཡིན་ཏེ། ཁམས་ཀྱང་དེ་དང་འདྲའོ། །ཉན་ཐོས་རྣམས་དང་། རང་སངས་རྒྱས་རྣམས་ཀྱི་ཁམས་ནི། ཞོ་དང་འདྲའོ། །བྱང་ཆུབ་སེམས་དཔའ་རྣམས་ཀྱི་ཁམས་ནི། མར
204a6 དང་འདྲའོ། །སངས་རྒྱས་རྣམས་ཀྱི་ཁམས་ནི། མར་གྱི་ཉིང་ཁུ་དང་འདྲ་སྟེ། དེ་ལྟར་ཡོངས་སུ་མྱ་ངན་ལས་འདས་པ་ཆེན་པོ་ལས་གདམས་ངག་སྟོན་པའི་དེ་བཞིན་གཤེགས
204a7 པས་རྣམ་པ་བཞིར་བསྟན་ཏོ། །གསོལ་པ། སེམས་ཅན་ཐམས་ཅད་ཀྱི་ཁམས་ཇི་ལྟ་བུ་ལགས། བཀའ་སྩལ་པ། བ་བེའུ་འབྲངས་མ་ཐག་པའི་འོ་མ་ཁྲག་དང་འདྲེས་པ
iiif viewer powered by OpenSeadragon
