| e-texts navigator |
| Wylie |
203b1 འདའ་བར་བགྱིད་ལགས། རང་སངས་རྒྱས་རྣམས་ཀྱང་ཅིའི་སླད་དུ་རང་སངས་རྒྱས་རྣམས་ཀྱི་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན་ལས་འདའ་བར་བགྱིད་ལགས། བྱང་ཆུབ
203b2 སེམས་དཔའ་རྣམས་ཀྱང་ཅིའི་སླད་དུ་བྱང་ཆུབ་སེམས་དཔའི་ཡོངས་སུ་མྱ་ངན་ལས་འདས་པ་ཆེན་པོས་ཡོངས་སུ་མྱ་ངན་ལས་འདའ་བར་བགྱིད་ལགས། །བཀའ་སྩལ་པ། སངས་རྒྱས
203b3 རྣམས་ཀྱི་ཡོངས་སུ་མྱ་ངན་ལས་འདས་པ་ཆེན་པོ་ནི། ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་རྣམས་ཀྱི་མ་ཡིན་ཏེ། ཡོངས་སུ་མྱ་ངན་ལས་འདས་པ་ཆེན་པོ
203b4 འདི་ལ་ནི། སངས་རྒྱས་རྣམས་མ་གཏོགས་པར་གཞན་དག་གི་གནས་མེད་དོ། །གསོལ་པ། ཇི་ལྟ་བུ་ལགས། བཀའ་སྩལ་པ། དེ་བཞིན་གཤེགས་པ་ནི། བསྐལ་པ་བྱེ་བ་ཕྲག
203b5 གྲངས་མེད་པ་མང་པོ་ཞིག་ན་དེ་བཞིན་གཤེགས་པ་འབྱུང་བ་སྟོན་པར་མཛད་ན། དེ་བཞིན་གཤེགས་པ་དང་། ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་རྣམས
203b6 ལ་ཁྱད་པར་ཅི་ཡོད་ཅེ་ན། རིགས་ཀྱི་བུ། དེ་བཞིན་གཤེགས་པའི་མྱ་ངན་ལས་འདས་པ་གསང་བ་ལ་དགྲ་བཅོམ་པ་རྣམས་ཀྱི་གནས་མེད་དོ། །ཞེས་ངེས་བསྟན་ཏེ། དེ་ནི། གནས་མེད
203b7 པ་ཡིན་ནོ། །དེ་བས་ན། ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདིའི་ཚུལ་གྱིས་ཡོངས་སུ་མྱ་ངན་ལས་འདས་པ་ཆེན་པོ་ལ་གནས་མེད་དོ། །དེ་བས་ན། ཡོངས་སུ་མྱ་ངན
iiif viewer powered by OpenSeadragon
