| e-texts navigator |
| Wylie |
202b1 འདས་ཀྱིས་བཀའ་སྩལ་པ། རིགས་ཀྱི་བུ། དཔེར་ན། ཁྱིམ་བདག་གམ་ཁྱིམ་བདག་གི་བུ་ཞིག་ལ་བ་ལང་གི་ལྷས་མང་པོ་ཡོད་དེ། བ་ལང་སྤུ་ཁ་ཐ་དད་པ་དག་བདོག་ལ་དེའི་ནང་ན་བ
202b2 སྔོན་མོ་དག་ཀྱང་ཡོད་དེ། བ་དེ་དག་བ་རྫི་གཅིག་འཚོར་བཅུག་གོ། དེ་ནས་ཁྱིམ་བདག་དེས་ལན་གཅིག་ན་རང་གི་ལྷ་མཆོད་པའི་ཕྱིར་བ་ལང་གི་ལྷས་རྣམས་གཅིག་ཏུ་བསྡུས་ནས་འོ
202b3 མ་འཇོར་བཅུག་གོ་། དེ་ནས་འོ་མ་དེ་དག་དུང་གི་མདོག་བཞིན་དུ་དཀར་པོར་འདུག་པ་མཐོང་ནས་ངོ་མཚར་དུ་བཟུང་སྟེ་བསམ་པ། འདི་ན་བ་འདི་དག་སྤུ་ཁ་ཐ་དད་པར་འདུག་ན།
202b4 བ་སྔོན་མོ་འདི་རྣམས་ཀྱི་འོ་མའང་སྔོན་པོར་མི་འདུག་ལ། བ་དཀར་མོ་རྣམས་ཀྱིའང་དེ་དང་འདྲ་སྟེ། དུང་གི་མདོག་ལྟར་འདུག་གོ་།སྙམ་མོ། །དེ་ནས་ཕྱིས་དེས་རྟོགས་ཏེ་སེམས་ཅན
202b5 རྣམས་ཀྱི་ལས་ཀྱི་རྣམ་པར་སྨིན་པའི་རྒྱུ་ལས་གྱུར་པ་ཡིན་པར་བལྟ་བར་བྱའོ། །སྙམ་མོ། །རིགས་ཀྱི་བུ། དེ་བཞིན་དུ་ཉན་ཐོས་དང་། རང་སངས་རྒྱས་དང་། དེ་བཞིན་གཤེགས
202b6 པ་ཐམས་ཅད་ཀྱི་རང་བཞིན་ཡང་འོ་མ་དང་འདྲའོ། །ཅིའི་ཕྱིར་ཞེ་ན། དེ་དག་ནི། ཟག་པ་ཟད་པའི་ཕྱིར་རོ། །སེམས་ཅན་ཐམས་ཅད་ཀྱིས་ནི། ཉན་ཐོས་དང་། རང་སངས་རྒྱས་དང་།
202b7 དེ་བཞིན་གཤེགས་པ་ཐམས་ཅད་ཀྱི་རང་བཞིན་ཐ་དད་པ་དང་། དབྱིབས་ཐ་དད་པར་འཛིན་མོད་ཀྱི། དེ་དག་གིས་ཀྱང་ཁྱིམ་བདག་བཞིན་དུ་མཐར་གྱིས་ཤེས་པར་འགྱུར་རོ། །རིགས
iiif viewer powered by OpenSeadragon
