| e-texts navigator |
| Wylie |
19b1 ཡགས་གྲིབ་མ་ཆེ་བ་དང་། བྲག་ཁ་ནས་འབབ་པའི་ཆུས་གང་བ་དང་། སྨན་གཤོང་རྔོ་གུ་དང་། རྩ་བ་དང་། འབྲས་བུས་གང་བ་དག་ཀྱང་དེར་ལྷགས་སོ། །ལྷའི་བུ་མཐུ་བོ་ཆེའི་འདུན་མ་ཆེན་པོ་དག་ཀྱང
19b2 རི་རབ་དང་བཅས་ཏེ་མཆོད་པའི་ཕྱིར་ལྷགས་ནས་བཅོམ་ལྡན་འདས་ལ་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་ལྷའི་བུ་མཐུ་བོ་ཆེ་འོད་ཆེན་པོ་རྒྱ་མཚོ་ཆེན་པོ་བཞིའི་ནང་ན
19b3 གནས་པ་དང་། ཆུ་ཀླུང་ཆེན་པོ་དག་གི་ནང་ན་གནས་པ་གངྒཱའི་ཀླུང་གྲངས་མེད་པའི་བྱེ་མ་སྙེད་མཆོད་པ་ལྔ་མ་བས་ཉིས་འགྱུར་གྱིས་མཛེས་པའི་མཆོད་པ་སྔོན་དུ་བཏང་ནས་ཉི་མའི་འོད་ཀྱིས་མར་མེའི
19b4 འ་ཨོད་ཟིལ་གྱིས་མནན་པ་བཞིན་དུ་རང་རང་གི་འོད་ཀྱིས་ཉི་མའི་འོད་ཟིལ་གྱིས་མནན་ཏེ་ཉི་མ་འཆར་ཀའི་འོད་ཀྱིས་ཤིང་མྱ་ངན་འཚང་གི་ལོ་མ་ཐམས་ཅད་དམར་ལམ་མེར་སྣང་བར་བྱེད་པ་དེ
19b5 བཞིན་དུ་རང་རང་གི་འོད་ཀྱིས་ཆུ་ཀླུང་གསེར་ལྡན་གྱི་ཆུ་དམར་ལམ་མེར་སྣང་བར་བྱས་ནས་བཅོམ་ལྡན་འདས་ལ་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་གྲོང་ཁྱེར་ཀུ་ཤི
19b6 ནས་ཤིང་སཱ་ལ་ཟུང་གི་དྲུང་གི་བར་སྐབས་ཀྱི་བར་སྣང་ལ་ཁང་བཟང་རིའི་དབང་པོའི་རྩེ་མོ་ལྟ་བུ་དང་པའི་ཐལ་གོང་ལྟར་དཀར་ལ་ཤ་སྟག་གིས་འཁྲིགས་པར་གྱུར་ཏོ། །ས་གཞི་ནི། སྐྱེད་མོས་ཚལ་དང་།
19b7 རྫིང་བུའི་ཆུ་པདྨས་མཛེས་པར་བྱས་པ་དག་གིས་གང་བར་འདུག་སྟེ། བྱང་གི་སྒྲ་མི་སྙན་གྱི་སྐྱེད་མོས་ཚལ་བས་ཀྱང་ལྷག་པར་མཛེས་སོ། །གཅིག་ཏུ་ན་དགའ་བའི་ཚལ་དང་། ཤིང་རྟ་སྣ་ཚོགས་ཅན
iiif viewer powered by OpenSeadragon
