| e-texts navigator |
| Wylie |
19a1 གཞན་ཡང་དེའི་ཚེ་སའི་སྟེང་ན་བ་དང་། མ་ཧེ་མོ་དང་། ར་མ་མོ་ཡོད་དོ་ཅོག་གིས་ཀྱང་ནུ་མའོ་མས་བཀང་སྟེ་ཤིན་ཏུ་རིངས་པར་ལྷགས་ནས་ཤིང་སཱ་ལ་ཟུང་གི
19a2 དྲུང་ནས་ཕྱོགས་གཤོང་ཞིག་མཐོང་ནས་དེར་རང་རང་གི་ནུ་མའོ་མས་གང་བ་དེ་དག་ལས་འོ་མ་གསེག་མ་དང་། ཕྱེ་མ་དང་། བ་ཚྭས་མ་འབགས་ཤིང་ཚ་བའི་སྐྱོན་དུ་འགྱུར་བ་མེད་པ་དག
19a3 གཟིགས་ཏེ། འོ་མ་དེ་དག་གི་ནང་ནས་སྦྲང་བུ་དག་བསལ་ནས་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་དྲང་སྲོང་བཟོད་པར་སྨྲ་བ་ལ་སོགས་པ་གླིང་བཞི་ན་གནས་པའི་དྲང་སྲོང
19a4 མངོན་པར་ཤེས་པ་ལྔ་དང་ལྡན་པ་ཐེག་པ་ཆེན་པོ་འདོད་པ་ཤ་སྟག་ལ་གངྒཱའི་ཀླུང་དཀྲིགས་ཀྱི་བྱེ་མ་སྙེད་རང་རང་གི་རྫུ་འཕྲུལ་གྱི་སྟོབས་ཀྱིས་ཡམ་བསྲེག་ཤིང་། ཞལ་ཟས་དག་ཁྱེར་ནས
19a5 བཅོམ་ལྡན་འདས་ལ་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་འོད་སྲུང་ཆེན་པོ་ལ་སོགས་པ་དགེ་སློང་གི་དགེ་འདུན་ཁ་ཅིག་དང་། གནས་བརྟན་ཀུན་དགའ་བོ་ལ
19a6 སོགས་པ་མ་གཏོགས་པར་ཡུལ་ཕྱོགས་ན་གནས་པའི་དགེ་སློང་དང་། དགེ་སློང་མ་ཇི་སྙེད་ཡོད་པ་དེ་དག་ཐམས་ཅད་ཀྱང་མ་ལུས་པར་དེར་ལྷགས་སོ། །གྷན་ཡང་དེའི་ཚེ་རི་རབ་ལ་སོགས
19a7 པ་རི་ཆེན་པོ་རྣམས་དང་། འཇིག་རྟེན་གྱི་བར་མཚམས་ཀྱི་རི་གངྒཱའི་ཀླུང་གྲངས་མེད་པའི་བྱེ་མ་སྙེད་ཀྱང་ཤིང་ལྗོན་པ་དང་། འཁྲི་ཤིང་མང་པོ་ཉིན་མཚན་གྱི་གྲིབ་མ་བྱེད་པ་དང་། བྲག་ཟང
iiif viewer powered by OpenSeadragon
