| e-texts navigator |
| Wylie |
197b1 ལན་ཚྭ་དང་། སྐོམ་སྣོད་དང་། རལ་གྲི་དང་། རྟ་རྣམས་ལ་བྱ་སྟེ། འདི་བཞིའི་མིང་སེནྡྷ་པ་ཞེས་བྱ་བ། འདི་ལྟར་མིང་གཅིག་ལ་དོན་མང་པོ་ཡོད་པས། གང་གི་ཚེ་རྒྱལ་པོ་བཤོས་གསོལ
197b2 བ་ན་སེནྡྷ་པ་ཞེས་ཟེར་ན་ནི། དེའི་ཚེ་བློན་པོས་སེནྡྷ་པ་ལན་ཚྭ་ཡིན་པར་རིག་ནས་ལན་ཚྭ་འབུལ་བར་བྱེད་དོ། །གང་གི་ཚེ་རྒྱལ་པོ་བཤོས་གསོལ་ཟིན་ནས་སེནྡྷ་པ་ཞེས་ཟེར་ན་ནི།
197b3 དེའི་ཚེ་བློན་པོས་སྐོམ་སྣོད་ཡིན་པར་རིག་ནས་སྐོམ་སྣོད་འབུལ་བར་བྱེད་དོ། །གང་གི་ཚེ་རྒྱལ་པོ་སྐྱེད་མོས་ཚལ་དུ་འགྲོ་བའི་ཚེ་སེནྡྷ་པ་ཞེས་ཟེར་ན་ནི། དེའི་ཚེ་བློན་པོས་རྟ་ཡིན་པར་རིག
197b4 ནས་རྟ་འབུལ་བར་བྱེད་དོ། །གང་གི་ཚེ་རྒྱལ་པོ་འཐབ་པའི་ཚེ་སེནྡྷ་པ་ཞེས་ཟེར་ན་ནི། དེའི་ཚེ་བློན་པོས་རལ་གྲི་ཡིན་པར་རིག་ནས་རལ་གྲི་འབུལ་བར་བྱེད་དེ། དེ་ལྟར་རྒྱལ་པོའི་དགོངས
197b5 བའི་ཚིག་རྣམ་པ་བཞི་བློན་པོ་རྣམས་ཀྱིས་ཁོང་དུ་ཆུད་པར་འགྱུར་རོ། །རིགས་ཀྱི་བུ། དེ་བཞིན་དུ་ཐེག་པ་ཆེན་པོ་འདི་ལའང་མི་རྟག་པ་རྣམ་པ་བཞི་ཞེས་བྱ་བ་ཡོད་པར་ཐེག་པ་ཆེན་པོ
197b6 པོ་བློན་པོ་དང་འདྲ་བས་དེ་བཞིན་དུ་རིག་པར་བྱ་སྟེ། གང་གི་ཚེ་དེ་བཞིན་གཤེགས་པ་འཇིག་རྟེན་དུ་བྱུང་ནས་སངས་རྒྱས་ཡོངས་སུ་མྱ་ངན་ལས་འདའོ། །ཞེས་སྟོན་ན་ནི། དེའི་ཚེ་ཐེག
197b7 པ་ཆེན་པོ་བས་མི་རྟག་པ་སྟོན་ཏོ་སྙམ་དུ་ཤེས་པར་བྱ་སྟེ། མི་རྟག་པའི་འདུ་ཤེས་བསྒོམ་པར་བྱའོ། །གང་གི་ཚེ་དེ་བཞིན་གཤེགས་པ་དམ་པའི་ཆོས་ནུབ་པ་དང་། ཞིག་པར་འགྱུར
iiif viewer powered by OpenSeadragon
