| e-texts navigator |
| Wylie |
197a1 རྟག་པ་ཡིན་ནོ། །རིགས་ཀྱི་བུ། གཞན་ཡང་དཔེར་ན། ཨ་མྲའི་ཤིང་ངམ། ཛམྦུའི་ཤིང་ཡང་རུང་། དུས་ཚིགས་རྣམ་པ་གསུམ་གྱི་དབང་གིས་འགྱུར་ཏེ། རེས
197a2 འགའ་ནི། སྦལ་མིག་བྱེ་བ་དང་། ལོ་མ་ཁ་འབུ་བར་འགྱུར་རོ། །རེས་འགའ་ནི། ལོ་མ་རྒྱས་ཤིང་གྲིབ་མ་བསིལ་བར་འགྱུར་རོ། །རེས་འགའ་ནི། ཤིང་སྐམ་པོ་བཞིན་དུ་ལོ་མ
197a3 ལྷགས་པར་འགྱུར་ན། ཇི་ག་ཤིང་དེ་དག་ཤི་ཞེས་བྱའམ། གསོལ་པ། བཅོམ་ལྡན་འདས། དེ་ནི། མ་ལགས་སོ། །བཀའ་སྩལ་པ། རིགས་ཀྱི་བུ། དེ་བཞིན་དུ་དེ་བཞིན་གཤེགས
197a4 པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉིད་གདུལ་བར་བྱ་བའི་དབང་གིས་འཇིག་རྟེན་གསུམ་དུ་ཐབས་ཀྱི་སྐུ་རྣམ་པ་གསུམ་དུ་སྟོན་པར་མཛད་དེ། སྐྱེ་བ་ལྟ་བུ
197a5 དང་། འཚོ་ཞིང་བཞུགས་པ་ལྟ་བུ་དང་། ཡོངས་སུ་མྱ་ངན་ལས་འདས་པ་ལྟ་བུར་སྟོན་ན། ཇི་ག་དེ་བཞིན་གཤེགས་པ་མི་རྟག་པ་ཡིན་ནམ། གསོལ་པ། བཅོམ་ལྡན་འདས། དེ་ནི།
197a6 མ་ལགས་སོ། །བཀའ་སྩལ་པ། རིགས་ཀྱི་བུ། དེ་བས་ན། དེ་བཞིན་གཤེགས་པ་ནི། རྟག་པ་ཡིན་ནོ། །རིགས་ཀྱི་བུ། དེ་ལྟར་ན། དེ་བཞིན་གཤེགས་པའི་སྐུ་དང་། དེ་བཞིན
197a7 གཤེགས་པའི་དགོངས་པའི་ཚིག་ཀྱང་ཤེས་པར་དཀའོ། །དཔེར་ན། རྒྱལ་པོ་ལ་ལ་ཞིག་གིས་རང་གི་བློན་པོ་ལ་སེནྡྷ་པ་འོན་ཅིག་ཅེས་དེ་སྐད་བསྒོ་ན། དེ་ལ་སེནྡྷ་པ་ཞེས་བྱ་བ་ནི།
iiif viewer powered by OpenSeadragon
