| e-texts navigator |
| Wylie |
196b1 དགོས་པར་འཛིན་པ་རྣམས་མི་ཤེས་བཞིན་དུ་བྱང་ཆུབ་ཀྱི་རྒྱུ་ལ་འགོད་པར་བྱེད་དོ། །རིགས་ཀྱི་བུ། གཞན་ཡང་དཔེར་ན། སྤྲུལ་གྱིས་པགས་པ་རྙིང་པ་བོར་ན། ཇི་ག་ཤི་བའམ། མེད
196b2 པར་སོང་བ་ཡིན་ནམ། གསོལ་པ། བཅོམ་ལྡན་འདས། དེ་ནི། མ་ལགས་སོ། །བཀའ་སྩལ་པ། རིགས་ཀྱི་བུ། དེ་བཞིན་དུ་དེ་བཞིན་གཤེགས་པའང་པགས་པ་རྙིང་པ་འདོར་བ་བཞིན་དུ
196b3 ཐབས་ཀྱི་སྐུ་དུག་སྨན་གྱི་སྡོང་པོ་རྙིང་པ་སྤོང་བར་མཛད་པ་ལ། ཇི་ག་དེ་བཞིན་གཤེགས་པ་མི་རྟག་པར་འགྱུར་རམ། གསོལ་པ། བཅོམ་ལྡན་འདས། དེ་ནི། མ་ལགས་ཏེ། སྤྲུལ
196b4 པགས་པ་བརྗེས་པ་བཞིན་དུ་ཛམྦུའི་གླིང་ཁ་ཅིག་ཏུ་ཐབས་ཀྱི་སྐུ་གཞན་བོར་ནས་ཐབས་ཀྱི་སྐུ་གཞན་སྟོན་པར་མཛད་ལགས་སོ། །བཀའ་སྩལ་པ། རིགས་ཀྱི་བུ། དེ་བས་ན། དེ་བཞིན
196b5 གཤེགས་པ་རྟག་པ་ཡིན་ནོ། །རིགས་ཀྱི་བུ། གཞན་ཡང་དཔེར་ན། གསེར་མགར་གྱིས་གསེར་གྱི་འབྱུང་གནས་ནས་གསེར་བཞུས་ཏེ་སྐྱོན་དང་བྲལ་བར་གྱུར་ནས་རྒྱན་བཟང་པོ་ཇི་དང་ཇི
196b6 ལྟ་བུའི་གཟུགས་སུ་འདོད་པའི་གསེར་མགར་བྱེད་དུ་བཅུག་ན། དེ་དང་དེ་ལྟ་བུར་བྱེད་པ་དེ་བཞིན་དུ་དེ་བཞིན་གཤེགས་པས་ཀྱང་སྲིད་པ་ཉི་ཤུ་རྩ་ལྔ་དག་ཏུ་གདུལ་བར་བྱ་བ་རྣམས
196b7 ཅི་དང་ཅི་ལྟ་བུར་འདོད་པ་དེ་དང་དེ་ལྟ་བུའི་ཐབས་ཀྱིས་གཟུགས་མངོན་པར་སྤྲུལ་ནས་སེམས་ཅན་རྣམས་སྒྲོལ་བར་མཛད་དོ། །དེ་བས་ན། དེ་བཞིན་གཤེགས་པའི་སྐུ་ནི། མཐའ་ཡས་ཏེ།
iiif viewer powered by OpenSeadragon
