| e-texts navigator |
| Wylie |
191b1 མེད་པ་བྱེད་པ་སེམས་བསྐྱེད་མི་དགོས་པར་འཛིན་པ་རྣམས་ཀྱང་བྱང་ཆུབ་ལ་འགོད་པར་བྱེད་དེ། འདོད་ཆེན་པ་ཤི་བ་དང་འདྲ་བ་ནི། མ་གཏོགས་སོ། །གསོལ་པ། ཕམ་པ་བགྱིད་པ་རྣམས
191b2 དང་། མཚམས་མ་མཆིས་པ་མི་བཟད་པ་ཏ་ལའི་མགོ་བཅད་པ་དང་འདྲ་བ་དེ་དག་བདག་ཅག་གིས་བྱང་ཆུབ་ཏུ་སེམས་བསྐྱེད་མི་དགོས་སོ། །སྙམ་དུ་འཛིན་ན། སེམས་མ་བསྐྱེད་པར་དེ
191b3 དག་ལ་བྱང་ཆུབ་ཀྱི་རྒྱུ་ཇི་ལྟར་སྐྱེ་བར་འགྱུར་ལགས། བཀའ་སྩལ་པ། རིགས་ཀྱི་བུ། དེ་དག་ནི། རྨི་ལམ་དུའང་རུང་། ཤི་བའི་འོག་ཏུའང་རུང་སྟེ། སེམས་ཅན་དམྱལ་བ་རྣམས
191b4 སུ་འཚེད་པ་ན། འདི་སྙམ་དུ་སེམས་ཏེ། བདག་ཅག་གིས་ནི། མ་ལེགས་པ་བྱས་སོ། །གལ་ཏེ་འདི་ནས་ཐར་པར་འགྱུར་བ་ཞིག་ཡོད་ན་ནི། ཤིན་ཏུ་འཇིགས་པ་འདི་མཐོང་བས
191b5 བདག་ཅག་གང་དང་གང་དུ་སྐྱེས་པ་དེ་དང་དེར་བྱང་ཆུབ་ཏུ་སེམས་བསྐྱེད་པར་བྱའོ། །སྙམ་དུ་སེམས་ཏེ། དམ་པའི་ཆོས་དབྱུང་བར་སེམས་པ་ནི། འབྲས་བུ་ཆེ་བ་ཡིན་ནོ། །དཔེར་ན།
191b6 བྱིས་པ་ལ་ལ་ཤེད་བྱེ་ནས་བདག་ཉིད་ཤེས་པར་བྱེད་ཅིང་འདི་ལྟར་བདག་མའི་མངལ་ན་འདུག་པའི་ཚེ་སྨན་པ་འདིས་སྔགས་དང་སྨན་གནོད་སེལ་གྱི་མཐུས་བདག་གི་མ་བདེ་བར་བྱས
191b7 པས་ན་སྲོག་འདི་ནི། ཁྱོད་ཀྱི་དྲིན་ནོ། །ཀྱེ་མ་བདག་གི་མ་གང་གིས་བདག་ཟླ་བ་བཅུ་གཉིས་ཀྱི་བར་དུ་མའི་མངལ་ན་འཆང་ཞིང་ཤིན་ཏུ་ཉོན་མོངས་པར་གྱུར་ནས་དེའི་འོག་ཏུ་དེས་བདག
iiif viewer powered by OpenSeadragon
