| e-texts navigator |
| Wylie |
191a1 མཐོང་བར་བྱེད་ལ། ཕམ་པ་བྱེད་པ་རྣམས་དང་། མཚམས་མེད་པ་བྱད་པ་སེམས་བསྐྱེད་མི་དགོས་པར་འཛིན་པ་རྣམས་ཀྱང་བྱང་ཆུབ་ལ་འགོད་པར་བྱེད་མོད
191a2 ཀྱི|་ཤིན་ཏུ་དམུས་ལོང་དུ་འདུག་པ་འདོད་ཆེན་པ་ནི། མ་གཏོགས་སོ། །རིགས་ཀྱི་བུ། དཔེར་ན། སྨན་པ་ཆེན་པོ་ཚེའི་རིག་བྱེད་ཡན་ལག་བརྒྱད་ཀྱི་རྒྱུད་ཕྱི་མ་ཤེས་པ་ནི། སྨན་སྣར
191a3 བླུགས་པ་དང་། ཁོང་དུ་བཏུང་བ་དང་། ལུས་ལ་བསྐུ་བ་དང་། དུད་པས་བདུག་པའི་ལས་རྣམས་ཀྱིས་སེམས་ཅན་ཐམས་ཅད་ཀྱི་ནད་སེལ་བར་བྱེད་དོ། །མགོན་མེད་པ་རྣམས་དང་།
191a4 བདག་ཅག་ལ་སྨན་མི་དགོས་སོ། །སྙམ་སྟེ། སེམས་མི་བསྐྱེད་པ་རྣམས་ཀྱང་ཁྱིམ་དག་གི་ནང་ངམ། རྩཝ་དག་གི་ཁྲོད་དུ་བཞག་སྟེ། སྔགས་དང་། སྨན་དང་། སྨན་གནོད་སེལ་གྱི
191a5 མཐུས་དུག་རྣམས་དང་། ནད་རྣམས་སེལ་བར་བྱེད་ལ། བུད་མེད་སྦྲུམ་མ་བུ་བཙའ་བར་འདོད་ན་བཙར་མི་བཏུབ་པ་རྣམས་ཀྱང་སྨན་གནོད་སེལ་གྱི་མཐུས་བདེ་བར་བཙའ་བར
191a6 བྱེད་ལ། བྱིས་པའང་ནད་མེད་པར་བྱེད་པ་དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདི་གླེགས་བམ་དུ་བྱས་པ་སེམས་ཅན་ཐམས་ཅད་ཀྱི་ཁྱིམ་ན་འཚང
191a7 པ་དེ་དག་ཀྱང་ཐེག་པ་ཆེན་པོའི་མཐུས་བདེ་བར་བྱེད་ལ་མདོ་ཆེན་པོ་འདིས་བྱང་ཆུབ་སེམས་དཔའ་སེམས་དཔའ་ཆེན་པོར་ཡང་འགྱུར་རོ། །ཕམ་པ་བྱེད་པ་རྣམས་དང་། མཚམས
iiif viewer powered by OpenSeadragon
