| e-texts navigator |
| Wylie |
190b1 བརྒྱད་ལ་མཁས་པ་ནི། ནད་པ་ཐམས་ཅད་གསོ་བར་བྱེད་མོད་ཀྱི། གསོར་མི་རུང་བ་ནི། གསོ་བར་མི་ནུས་པ་དེ་བཞིན་དུ་མདོ་སྡེ་དང་། ཏིང་ངེ་འཛིན་ཐམས་ཅད་ཀྱང་འདོད་ཆགས་དང་།
190b2 ཞེ་སྡང་དང་། གཏི་མུག་གི་ནད་ཀྱིས་ཐེབས་པ་ཐམས་ཅད་གསོ་བར་བྱེད་ལ། ཉོན་མོངས་པའི་ཟུག་རྔུ་ཐམས་ཅད་ཀྱང་སེལ་བར་བྱེད་མོད་ཀྱི། ཕམ་པ་བྱེད་པ་རྣམས་དང་། མཚམས
190b3 མེད་པ་བྱེད་པ་རྣམས་ནི། གསོ་བར་མི་ནུས་སོ། །དཔེར་ན། སྨན་པ་ཚེའི་རིག་བྱེད་ཡན་ལག་བརྒྱད་ཀྱི་རྒྱུ་ཕྱི་མ་ཤེས་པ་ནི། སེམས་ཅན་ཐམས་ཅད་ཀྱི་ནད་གསོ་བར་བྱེད་མོད་ཀྱི། དེས
190b4 ཀ་ཡང་འཆི་བའི་དུས་ལ་བབ་པའི་ནད་གསོ་མི་ནུས་པ་དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདིའང་སེམས་ཅན་ཐམས་ཅད་ཀྱི་ཉོན་མོངས་པའི་ནད་ཐམས
190b5 ཅད་བསལ་ནས་སེམས་ཅན་རྣམས་བྱང་ཆུབ་ཀྱི་རྒྱུ་ལ་འགོད་པར་བྱེད་མོད་ཀྱི། འཆི་བའི་དུས་ལ་བབ་པ་ལྟ་བུའི་འདོད་ཆེན་པ་ནི། མ་གཏོགས་སོ། །དཔེར་ན། དམུས་ལོང་གིས
190b6 ཉི་ཟླའི་འོད་ཀྱང་མི་ཤེས་པ་གསལ་བར་ལྟ་ག་ལ་མཐོང་སྟེ། སྨན་པ་ཆེན་པོས་ཀྱང་མིག་རྟུལ་བ་རྣམས་ཀྱིས་མིག་བཅོས་ནས་མཐོང་བར་ཟད་དེ། དམུས་ལོང་ནི། མ་གཏོགས་སོ། །དེ
190b7 བཞིན་དུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདིའང་ལོང་བ་ལྟ་བུའི་ཉན་ཐོས་དང་། རང་སངས་རྒྱས་ཐམས་ཅད་ཀྱི་མིག་བཅོས་ནས་མྱུར་བ་ཁོ་ནས་ཐེག་པ་ཆེན་པའི་མིག
iiif viewer powered by OpenSeadragon
