| e-texts navigator |
| Wylie |
18a1 བཞིན་དུ་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་རླུང་ལྷ་བཞི་རླུང་གཏོང་བའི་ལྷ་གངྒཱའི་ཀླུང་བྱེ་བ་ཕྲག་འབུམ་དང་ལྷན་ཅིག་ཏུ་དུས་མ་ཡིན་པར་ཡང་ཤིང
18a2 ལྗོན་པ་དང་། འཁྲི་ཤིང་དང་། ཤིང་གེལ་པ་དང་། ནགས་མ་རྣམས་དང་། སྙེ་མ་དང་། མེ་ཏོག་གི་འཁྲི་ཤིང་དང་། བྱུ་རུ་རྣམས་ཀྱིས་ས་ཕྱོགས་བརྒྱན་པར་བྱེད་ཅིང་དུས་ཚིགས་ཐམས་ཅད་ཀྱི
18a3 མེ་ཏོག་གི་དཔལ་རྣམས་ཕྱོགས་སུ་རྒྱས་པར་བྱེད་ལ། ལོ་མ་ཁ་འབུས་པ་རྩ་བ་དམར་པ་རྣམས་ཀྱིས་ཤིང་སཱ་ལ་ཟུང་ཉི་མ་འཆར་ཀའི་འོད་ཟེར་སེར་པོ་ཇ་ཧོང་ཁར་འདུག་པ་བཞིན་དུ་བྱས་ནས
18a4 མཆོད་པ་སྔ་མའི་ཉིས་འགྱུར་བས་ལྷག་པའི་མཆོད་པ་དག་ཁྱེར་ཏེ། བཅོམ་ལྡན་འདས་ལ་མཆོད་པ་བྱས་ནས་སྔ་མ་བཞིན་དུ་ཤིང་སཱ་ལ་ཟུང་གི་དྲུང་དུ་འཁོད་དོ། །གཞན་ཡང་དེའི་ཚེ་ཆར་པ
18a5 འབེབས་པའི་ལྷ་གངྒཱའི་ཀླུང་གི་བྱེ་མ་སྙེད་སྤྲིན་ཆེན་པོ་དང་། ཆུ་སྐྱར་རྣམས་ཕྱི་བཞིན་འབྲང་ཞིང་གློག་འགྱུ་བའི་གསེབ་ནས་རྨ་བྱའི་མགྲིན་པ་ལྟར་མདོག་སྡེ་བའི་ཆར་གྱི་རྒྱུན་འབབ་ལ།
18a6 འབྲུག་སྒྲ་དལ་ནས་སྒྲོག་པའི་སྤྲིན་དང་ལྡན་པས་ཆར་ཟིམ་བུ་བསིལ་བ་དང་འདྲེས་པའི་མེ་ཏོག་གི་ཆར་འབེབས་ཤིང་། བཅོམ་ལྡན་འདས་ལ་ཕྱག་བཙལ་ཏེ་ཞལ་ཟས་མ་བཞེས་ནས་རེ་ཐག
18a7 ཆད་དེ། དེ་བཞིན་གཤེགས་པའི་གདུང་ཞུགས་ལ་བཞེན་པའི་མེ་གསད་པའི་ཕྱིར་ནམ་མཁའ་ཉིད་ལ་འཁོད་དོ། །གཞན་ཡང་དེའི་ཚེ་སྤོས་ཀྱི་གླང་པོ་སྒྲ་གཅན་དང་། ལུང་ཏང་མདོག་དང་།
iiif viewer powered by OpenSeadragon
