| e-texts navigator |
| Wylie |
189a1 འགྱུར་ཏེ། །མེ་ནི་ཐལ་བས་གཡོགས་པ་ལ། །བྱིས་པ་སོང་ན་འཚིག་པ་བཞིན། །འདོད་ཆེན་པ་ལོང་བ་གཅིག་པུ་དགྲ་བཅོམ་པ་ཡིན་པར་འདོད་པ་ནི། ལམ་མི
189a2 ཟད་པ་ཆེན་པོར་འགྲོ་འདོད་དོ། །བྱམས་པ་དང་ལྡན་པའི་དགྲ་བཅོམ་པ་ཡིན་པར་འདོད་ལ་ཤིན་ཏུ་རྒྱས་པ་སུན་དབྱུང་བར་འདོད་དེ། དགྲ་བཅོམ་པ་ཡིན་པར་འདོད་ཅིང་ཉན་ཐོས་ཀྱི
189a3 ཐེག་པ་སུན་ཕྱུང་ནས་ང་ནི། བྱང་ཆུབ་སེམས་དཔའ་སྟེ། ཤིན་ཏུ་རྒྱས་པ་སྟོན་པ་ཡིན་ནོ། །སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོའི་ཡོན་ཏན་རྣམས་ཡོད་དོ། །
189a4 སངས་རྒྱས་ཡོད་དོ། །ཞེས་ཟེར་ཞིང་སངས་རྒྱས་སུ་ལུང་སྟོན་པར་བྱེད་དེ། ང་དང་ཁྱེད་ཀྱིས་ཉོན་མོངས་པའི་རྣམ་པ་ཆུའི་བུམ་པ་བཞིན་དུ་གཞོམ་པར་བྱའོ། །ཐེ་ཚོམ་མེད་པར་བྱང
189a5 ཆུབ་བསྒོམ་པར་བྱ་སྟེ། མདོ་སྡེའི་མན་ངག་ནི། དེ་ལྟ་བུ་ཡིན་ནོ། །ཞེས་ཟེར་རོ། །དཔེར་ན། རྒྱལ་པོའི་ཕོ་ཉ་གཙང་ཞིང་སྙིང་ཉེ་ལ་སྨྲ་མཁས་ཤིང་གཟི་བྱིན་ཆེ་བ། དགྲའི་ནང་དུ་རང་གི
189a6 སྲོག་དང་བསྡོས་ཏེ་རྒྱལ་པོ་ལ་ཚིག་རྫོགས་པར་སྨྲ་བ་དེ་བཞིན་དུ་ཤེས་རབ་ཅན་ཤིན་ཏུ་རྒྱས་པ་གཅེས་པར་འཛིན་པ་ནི། བྱིས་པ་རྣམས་ཀྱི་ནང་དུ་རང་གི་སྲོག་དང་བསྡོས་ནས
189a7 སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་ཡོད་པས་སངས་རྒྱས་སུ་ལུང་སྟོན་པར་བྱེད་དོ། །དགོན་པ་པ། མདོ་སྡེ་སྦོང་བ། བྱིས་པ་བླུན་པོ་དགྲ་བཅོམ་པ་ཡིན
iiif viewer powered by OpenSeadragon
