| e-texts navigator |
| Wylie |
188b1 མཆོག་ཏུ་འཇིགས་སུ་རུང་བ་འཇིགས་པར་གྱིས་ཤིག། གང་གི་ཚེ་སེམས་ཅན་ཐམས་ཅད་སེམས་རྩེ་གཅིག་ཏུ་མཐུན་པར་གྱུར་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན
188b2 པར་རྫོགས་པར་འཚང་རྒྱ་བར་འགྱུར་སྲིད་ན། དེའི་ཚེ་འདོད་ཆེན་པ་སྡིག་ཅན་བྱང་ཆུབ་མཆོག་ཏུ་མངོན་པར་རྫོགས་པར་འཚང་རྒྱའང་སྲིད་པ་ཞིག་ན། དེ་ནི། བྱས་པ་མི་མཐོང་བ་ཡིན་ཏེ།
188b3 དཔའ་བོ་ཁྱོད་ཀྱིས་དེ་ལྟར་ཤེས་པར་གྱིས་ཤིག་།སུའི་བྱས་པ་ཆུད་མི་ཟ་ཞེ་ན། དེ་བཞིན་གཤེགས་པའི་བྱས་པ་ཆུད་མི་ཟའོ། །གང་གི་ཚེ་འཁོར་བ་ན་གནས་པའི་སེམས་ཅན་ཐམས
188b4 ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བ་དེའི་ཚེ་དེ་བཞིན་གཤེགས་པའི་བྱས་པ་ཆུད་ཟ་བར་འགྱུར་ཏེ། དེའི་ཚེ་གཏན་དུ་ཡོངས་སུ་མྱ་ངན
188b5 ལས་འདས་པ་ཡོངས་སུ་མྱ་ངན་ལས་འདས་ནས་མར་མེ་དང་ཤིང་ཟད་པའི་མེ་བཞིན་དུ་སངས་རྒྱས་མི་རྟག་པར་འགྱུར་རོ། །དེ་བཞིན་དུ་འདོད་ཆེན་པོའི་སྡིག་པའི་ལས་ཀྱང་སྨད་པ་དང་།
188b6 བཤུང་བ་ཡིན་ནོ། །བྱང་ཆུབ་ཀྱི་རྒྱུའི་བསོད་ནམས་གང་ཡིན་པ་དེ་གལ་ཏེ་བྱང་ཆུབ་སེམས་དཔའ་སྤོང་བར་བྱེད་ན། དེའང་ཐེག་པ་ཆེན་པོ་ལ་སྨོད་པ་དང་། བཤུང་བ་ཞེས་བྱའོ། །དེ་སྟེ
188b7 མི་སྤོང་ན་ནི། དེ་ལྟ་ན། རྫོགས་པའི་སངས་རྒྱས་ཞེས་བྱ་བའི་མིང་ཐོགས་པར་འགྱུར་ཏེ། དེ་ནི། སངས་རྒྱས་རྣམས་ཀྱི་ཆོས་ཉིད་ཡིན་ནོ། །འོ་མ་དང་ནི་སྡིག་པའི་ལས། །མོད་ལ་ལྡང་བར་མི
iiif viewer powered by OpenSeadragon
