| e-texts navigator |
| Wylie |
17b1 པ་རྣམས་ཀྱིས་ས་ཕྱོགས་བརྒྱན་ཏེ་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་རིག་སྔགས་འཆང་གི་རྒྱལ་པོ་སྒྱུ་འཕྲུལ་ཆེན་པོ་ལ་སོགས་པ་རིག་སྔགས་འཆང་གི་རྒྱལ་པོ་གངྒཱའི་ཀླུང་སྟོང་གི
17b2 བྱེ་མ་སྙེད་ཀྱིས་མཆོད་པ་སྔ་མའི་ཉིས་འགྱུར་བས་ལྷག་པའི་མཆོད་པ་དག་ཁྱེར་ནས་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་ལྷ་མོ་འདོད་རྒྱུར་སྒྱུར་བའི་གཟུགས་ཅན་ལགས་མཐོང་མ་ལ་སོགས
17b3 པ་གངྒཱའི་ཀླུང་བྱེ་བའི་བྱེ་མ་སྙེད་ཀྱིས་ཡངས་པ་ཅན་གྱི་རྒྱལ་པོའི་བཙུན་མོའི་མཆོད་པ་ཉིས་འགྱུར་བས་ལྷག་པ་དག་ཁྱེར་ཏེ། རང་རང་གི་རྒྱན་རྣམས་བཅོམ་ལྡན་འདས་ཀྱི་སྤྱན་སྔར་ས་ལ་སྤུངས
17b4 ནས་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་ལྷའི་བུ་མོ་རམྦྷ་དང་། ཨུརྦ་ཤི་ལ་སོགས་པ་ལྷའི་བུ་མོ་གངྒཱའི་ཀླུང་བྱེ་བ་ཕྲག་བརྒྱའི་བྱེ་མ་སྙེད་མཆོད་པ་སྔ་མའི་ཉིས་འགྱུར་ཉིས་འགྱུར
17b5 བས་ཆེས་ལྷག་པར་མང་ཞིང་སྤ་བ་དག་གིས་མདུན་དུ་དྲངས་ཏེ་སྔ་མ་བཞིན་དུ་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་འབྱུང་པོའི་ཚོགས་པ་བ་སངས་ལྟར་འཁོར་བ་ཞེས་བྱ་བ་ལ
17b6 སོགས་པ་གངྒའི་ཀླུང་བྱེ་བ་ཕྲག་སྙོང་གི་བྱེ་མ་སྙེད་སྔ་མ་བཞིན་དུ་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་འཇིག་རྟེན་སྐྱོང་བ་བཞིའི་ལྷའི་བུ་གངྒའི་ཀླུང་བྱེ་བ་ཕྲག་འབུམ་དང་ལྷན་ཅིག་ཏུ
17b7 མ་ཆོད་པ་སྔ་མའི་ཉིས་འགྱུར་ཉིས་འགྱུར་བས་ལྷག་པ་དག་ཁྱེར་ནས་བཅོམ་ལྡན་འདས་ལ་ཕྱག་བཙལ་ཏེ་ཞལ་ཟས་བཞེས་པར་གསོལ་བ་བཏབ་ཀྱང་བཅོམ་ལྡན་འདས་ཀྱིས་མ་བཞེས་ནས་སྔ་མ
iiif viewer powered by OpenSeadragon
