| e-texts navigator |
| Wylie |
179b1 འདྲ་བར་མཐོང་ངོ་། །སྐད་དང་། འདུ་ཤེས་དང་། ཡི་གེ་ཐ་དད་པ་རྣམས་ཀྱིས་ཀྱང་བདག་ཅག་དང་འདྲའོ་སྙམ་དུ་འཛིན་ཏེ། བདག་གི་སྐད་དུ་སྨྲའོ། །བདག་གི་འདུ་ཤེས་དང་མཐུན་ནོ། །
179b2 བདག་གི་ཁ་ཟས་ཟའོ་སྙམ་དུ་འཛིན་ཏོ། །ལུས་ཆེ་བ་རྣམས་ཀྱང་དེ་བཞིན་གཤེགས་པ་ནི། བདག་ཅག་དང་འདྲའོ་སྙམ་དུ་འཛིན་ཏོ། །ཁ་ཅིག་གིས་ནི། ཉན་ཐོས་དང་རང་སངས་རྒྱས་ཡིན
179b3 ནོ་སྙམ་དུ་འཛིན་ཏོ། །ཁ་ཅིག་གིས་ནི། ཡ་མཚན་ཅན་ཐམས་ཅད་ཀྱི་ནང་དུ་རབ་ཏུ་བྱུང་བར་མཐོང་ངོ་། །ཁ་ཅིག་གིས་ནི། དེ་བཞིན་གཤེགས་པ་བདག་ཅག་གི་ཕྱིར་འཇིག་རྟེན་དུ་བྱུང
179b4 ངོ་སྙམ་དུ་འཛིན་ཏོ། །དཔེར་ན། ཟླ་བ་རང་བཞིན་དུ་གནས་པས་སོ་སོའི་རང་བཞིན་དུ་ཐམས་ཅད་མགུ་བར་བྱེད་པ་དེ་བཞིན་དུ། །དེ་བཞིན་གཤེགས་པའང་ཆོས་ཀྱི་སྐུ་ཡིན་བཞིན
179b5 དུ་ཐབས་ཀྱི་སྐུ་དུག་སྨན་གྱི་སྡོང་པོ་དང་འདྲ་བར་འཛིན་པའི་སེམས་ཅན་རྣམས་མགུ་བར་མཛད་དེ། འཇིག་རྟེན་ཐམས་ཅད་དང་མཐུན་པར་མཛད་པ་དག་གིས་སྐྱེས་པའི་རབས་སྟོང
179b6 ཕྲག་མང་པོ་སྟོན་པར་མཛད་དོ། །དེ་བས་ན། དེ་བཞིན་གཤེགས་པ་ནི། ཐམས་ཅད་དུ་སྐྱེ་བ་སྟོན་པའི་ཕྱིར་སྐྱེས་པའི་རབས་ཀྱི་ཟླ་བ་ཞེས་བྱའོ། །དེ་བས་ན། དེ་བཞིན་གཤེགས
179b7 པ་རྟག་པ་དང་། བརྟན་པ་ཡིན་ནོ། །རིགས་ཀྱི་བུ། གཞན་ཡང་དཔེར་ན། ཟླ་བ་དང་། ལྷ་མ་ཡིན་གྱི་དབང་པོ་སྒྲ་གཅན་ཕྲད་པའི་ཚེ་འཇིག་རྟེན་པ་རྣམས་ཀྱི་ཟླ་བ་གཟས་ཟིན་ཏོ་སྙམ་དུ
iiif viewer powered by OpenSeadragon
