| e-texts navigator |
| Wylie |
179a1 སྲིད་དུའང་རུང་སེམས་ཅན་རྣམས་གང་དུ་འགྲོ་བ་དེ་དག་ཐམས་ཅད་དུ་སྣང་སྟེ། དེར་བྱིས་པ་རྣམས་ཀྱིས་ཡིད་ལ་ཟླ་བ་འདི་ནི། བདག་ཁོ་ནའི་ཕྱི་བཞིན་འབའ
179a2 ཞིག་ཏུ་འོང་ངོ་། །སྙམ་དུ་འཛིན་ཏོ། །གང་གི་ཚེ་ཁྱིམ་གྱི་ནང་དུ་མཐོང་བ་དེའི་ཚེ་ནི། ང་ནི། འདི་ན་སྣང་ན། ཟླ་བ་འདི་དེ་ཉིད་ཡིན་ནམ། འོན་ཏེ་གཞན་ཞིག་ཡིན་ཞིག་གུ་སྙམ་དུ་རྟོག
179a3 གོ། །དེ་ལ་བྱིས་པ་ཁ་ཅིག་གིས་ནི། ཟླ་བ་ཆུ་ར་ཙམ་དུ་འཛིན་ཏོ། །བར་མ་རྣམས་ཀྱིས་ནི། ཤིང་རྟའི་འཕང་ལོའི་ཚད་ཙམ་དུ་འཛིན་ཏོ། །རབ་རྣམས་ཀྱིས་ནི། ཟླ་བ་དཔག་ཚད་ལྔ་བཅུ
179a4 པ་ཙམ་ལ་ཟླུམ་པོ་ཡིན་པར་ཤེས་སོ། །དུད་འགྲོ་རྣམས་ཀྱིས་ནི། ཟླ་བ་སྲིན་བུ་མེ་ཁྱེར་ཙམ་དུ་མཐོང་སྟེ། སྐྱེ་གནས་ཐམས་ཅད་དང་ལྡན་པའི་དུད་འགྲོ་རྣམས་ཀྱིས་ཟླ་བ་ལ་རང
179a5 རང་གི་རྣམ་པར་ཤེས་པས་བརྟགས་ནས་སོ་སོར་མཐོང་ངོ་། །དེ་བཞིན་དུ་དེ་བཞིན་གཤེགས་པའང་འཇིག་རྟེན་དུ་བྱུང་ན་ཐམས་ཅད་དུ་སྣང་སྟེ། སེམས་ཅན་ཁ་ཅིག་གིས་དེ
179a6 བཞིན་གཤེགས་པ་ཟླ་བ་དང་འདྲ་བར་འཛིན་ཏེ། བདག་ལ་ཐུགས་བརྩེ་བའི་ཕྱིར་བདག་གི་ཁྱིམ་གྱི་ཕུགས་ན་བཞུགས་སོ་སྙམ་མོ། །དུད་འགྲོ་རྣམས་ཀྱིས་ནི། རང་རང་གི
179a7 སྐྱེ་གནས་ཀྱི་ལུས་ལྟ་བུར་མཐོང་ངོ་། །སེམས་ཅན་ལྐུག་པ་རྣམས་ཀྱིས་ནི། དེ་བཞིན་གཤེགས་པ་ལྐུག་པར་མཐོང་ངོ་། །འོན་པ་དང་ལག་རྡུམ་རྣམས་ཀྱིས་ཀྱང་བདག་ཉིད་དང
iiif viewer powered by OpenSeadragon
