| e-texts navigator |
| Wylie |
178b1 དག་པར་རྫོགས་པའི་སངས་རྒྱས་ཀྱང་ཛམྦུའི་གླིང་ལ་ལར་ནི། ཡོངས་སུ་མྱ་ངན་ལས་འདའ་བ་ལྟ་བུར་སྣང་སྟེ། སེམས་ཅན་རྣམས་ཀྱིས་དེ་བཞིན་གཤེགས་པ་ཡོངས་སུ་མྱ་ངན་ལས
178b2 འདས་སོ་སྙམ་དུ་འཛིན་ཏོ། །ཛམྦུའི་གླིང་ལ་ལར་ནི། ཟླ་བ་ཚེས་པ་བཞིན་དུ་སྐྱེ་བ་ལྟ་བུར་སྣང་སྟེ། སེམས་ཅན་རྣམས་ཀྱིས་ཁྱེའུ་འདི་སྐྱེས་སོ་སྙམ་དུ་འཛིན་ཏོ། །ཟླ་བ་ཚེས་གཉིས་དང་འདྲ
178b3 བར་ནི། ལྷའི་ཐད་དུ་འགྲོ་བར་འཛིན་ཏོ། །ཟླ་བ་ཚེས་གསུམ་དང་འདྲ་བར་ནི། ཡི་གེ་སློབ་པའི་སར་འགྲོ་བར་འཛིན་ཏོ། །ཟླ་བ་ཚེས་བརྒྱད་ལྟ་བུར་ནི། རབ་ཏུ་འབྱུང་བར་སྟོན་ཏོ། །ཟླ་བ་ཉ
178b4 བ་ལྟ་བུར་ནི། འོད་ཀྱིས་མུན་པ་བསལ་བ་བཞིན་དུ་བདུད་བྱེ་བ་སྙེད་བརླགས་ནས་ལམ་མེར་བཞུགས་སོ། །ཟླ་བ་ནུབ་པ་ལྟ་བུར་ནི། ཡོངས་སུ་མྱ་ངན་ལས་འདའ་བར་སྟོན་ཏེ། ཟླ་བ
178b5 གཟའ་རྣམས་ཀྱིས་བསྐོར་བ་བཞིན་དུ་མཚན་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་བརྒྱན་ཏོ། །དེར་ཁ་ཅིག་གིས་ནི། ལྷུང་བར་འཛིན། ཁ་ཅིག་གིས་ནི། སྐྱེ་བར་འཛིན
178b6 ལ་སྐྱེས་པའང་མེད། འགག་པའང་མེད་དེ། དེ་བཞིན་གཤེགས་པ་ནི། ཟླ་བ་ཉ་བ་བཞིན་དུ་དུས་ཐམས་ཅད་དུ་རྟག་པ་ཡིན་ནོ། །དེ་བས་ན། དེ་བཞིན་གཤེགས་པ་རྟག་པ་དང་། བརྟན
178b7 པ་ཞེས་བྱའོ། །དཔེར་ན། ཟླ་བ་ནི། ཐམས་ཅད་དུ་སྣང་སྟེ། ཆུ་དང་། དགོན་པ་དང་། ཁྱིམ་དང་། གྲོང་ཁྱེར་དང་། ཆུ་ར་ཆུས་གང་བ་རྣམས་དང་། ཁྲོན་པ་དང་། གཞན་ཡང་དཔག་ཚད་སྟོང
iiif viewer powered by OpenSeadragon
