| e-texts navigator |
| Wylie |
178a1 པ་ཡང་དག་པར་རྫོགས་པའི་སངས་རྒྱས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཛམྦུའི་གླིང་ལ་ལར་ནི། ཕ་མ་ཕྲད་པ་ལས་སྐྱེས་པར
178a2 ཡང་སྣང་སྟེ། སེམས་ཅན་རྣམས་ཀྱིས་སྐྱེས་སོ་སྙམ་དུ་འཛིན་ལ། དེ་བཞིན་གཤེགས་པ་ལ་ནི། སྐྱེས་པ་མེད་དོ། །ཛམྦུའི་གླིང་ལ་ལར་ནི། ཡོངས་སུ་མྱ་ངན་ལས་འདའ་བ་ལྟ
178a3 བུར་སྣང་ལ་དེ་བཞིན་གཤེགས་པ་ལ་ནི། འཆི་བ་མེད་དོ། །སེམས་ཅན་རྣམས་ཀྱིས་ནི། ཤིའོ་སྙམ་དུ་འཛིན་ཏེ། དེ་བཞིན་གཤེགས་པ་ནི། ལྷུང་བ་དང་། སྐྱེ་བ་ལྟ་བུར་སྣང་ཡང
178a4 སྐྱེ་བའང་མེད། འཆི་བའང་མེད་དོ། །གདུལ་བར་བྱ་བའི་དབང་གིས་ནི། ཟླ་བ་བཞིན་དུའང་རྒྱུ་བར་མཛད་དོ། །ཟླ་བ་ནི། གླིང་ཁ་ཅིག་ཏུ་ཟླ་བ་ཉ་བ་ཡོངས་སུ་རྒྱས་པ་ལྟ་བུར་སྣང
178a5 སྟེ|་སེམས་ཅན་རྣམས་ཟླ་བ་ཉའོ་སྙམ་དུ་འཛིན་ཏོ། །ཟླ་བ་ནི། གླིང་ཁ་ཅིག་ཏུ་ཡི་གེ་ཏ་འདྲ་བར་ཟླ་བ་ཚེས་པར་ཡང་སྣང་སྟེ། ཛམྦུའི་གླིང་བ་རྣམས་ཀྱིས་དེང་ཟླ་བ་ཚེས་གཅིག
178a6 ཡིན་ནོ་སྙམ་དུ་འཛིན་ཏོ། །དེ་ནས་ཟླ་བ་ཕྱེད་པར་འཛིན་ཏོ། །དེ་ནས་ཚེས་བཅོ་ལྔ་ཡིན་ནོ་སྙམ་སྟེ་ཟླ་བ་ཉ་བར་འཛིན་ཏོ། །ཁ་ཅིག་གིས་ནི། ཟླ་བ་ཕྱེད་ཡིན་པར་འཛིན་ཏེ། ཟླ་བ་ནི།
178a7 ཕྱེད་དུ་འགྱུར་ཞིང་འཆར་བའང་མེད། ལྟུང་བའང་མེད་དེ། ཟླ་བ་ནི། རི་རབ་ཀྱི་རྐྱེན་གྱིས་དེ་ལྟར་སྣང་ངོ་། །རིགས་ཀྱི་བུ། དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང
iiif viewer powered by OpenSeadragon
