| e-texts navigator |
| Wylie |
177b1 དོན་ཏེ། དེ་བཞིན་གཤེགས་པ་ནི། མྱ་ངན་མེད་ཅིང་བརྟན་པའི་ཕྱིར་རོ། །སངས་རྒྱས་ནི། མྱ་ངན་ཅན་གྱི་ནང་ན་མྱ་ངན་མེད་པ་སྟེ། སེམས་ཅན་རྣམས་ཀྱི་མྱ་ངན་གྱི་ཟུག་རྔུ་སེལ་བའོ། །
177b2 གསོལ་པ། གལ་ཏེ་དེ་བཞིན་གཤེགས་པ་མྱ་ངན་ལས་མ་འདས་ན་ནི། ད་དུང་མྱ་ངན་འདའ་སྟེ། རྫོགས་པར་སངས་མ་རྒྱས་པ་ཞེས་བགྱིའོ། །བཀའ་སྩལ་པ། རྒྱུ་ཡོད་དེ། གང་ན་གདུལ
177b3 བར་བྱ་བ་རྣམས་ཡོད་པ་དེར་ནི། རྫོགས་པའི་སངས་རྒྱས་སྣང་སྟེ། དེར་སྐྱེ་བ་ལྟ་བུར་སྟོན་ཏོ། །དེ་བས་ན། དེ་བཞིན་གཤེགས་པ་ནི། རྟག་པ་ཡིན་ཏེ། སངས་རྒྱས་བྱ་བཞད་དང་། ཟལ
177b4 མོ་ལྟ་བུ་ཞེས་བྱའོ། ། །།འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ། བམ་པོ་བཅུ་གཅིག་པ། རིགས་ཀྱི་བུ། དཔེར་ན། ཟླ་བ་ནི། ཉིན་པར་སྣང་བ་ན་ཁ
177b5 ཅིག་ཏུ་ལྟུང་བ་ལྟ་བུར་སྣང་སྟེ། དེ་ནས་སེམས་ཅན་རྣམས་ཀྱི་ཟླ་བ་ལྟུང་ངོ་སྙམ་དུ་འཛིན་ཏོ། །ཟླ་བ་ནི། མེད་པར་མི་འགྱུར་ཏེ། གླིང་གཞན་དུ་འཆར་བར་འགྱུར་ལ་དེར་ཡང་ཟླ་བ་སྐྱེས་པ
177b6 མེད་དོ། །སེམས་ཅན་རྣམས་ཀྱིས་ནི། ཟླ་བ་ཤར་ཏོ་སྙམ་དུ་འཛིན་ཏེ། ཟླ་བ་ནི། ལྷུང་བ་ལྟ་བུར་སྣང་ཡང་འཇིག་པར་མི་འགྱུར་ལ་འཆར་བ་ལྟ་བུར་སྣང་ཡང་སྐྱེ་བ་མེད་དེ། རིའི་རྒྱལ་པོ་རི
177b7 རབ་ཀྱིས་བསྒྲིབས་པས་མི་སྣང་བར་ཟད་ལ། ཟླ་བ་ནི། རང་བཞིན་གྱིས་སྐྱེས་ཟིན་པ་ཡིན་ཏེ། སྣང་བྱེད་རྣམས་ཀྱི་ཆོས་ཉིད་ནི། དེ་ཡིན་ནོ། དེ་བཞིན་དུ་དེ་བཞིན་གཤེགས་པ་དགྲ་བཅོམ
iiif viewer powered by OpenSeadragon
