| e-texts navigator |
| Wylie |
177a1 ཁང་བཟང་སྟེང་ན་འདུག་པ་ཡིས། །མྱ་ངན་མེད་ཀྱང་སྐྱེ་རྒུ་མྱ་ངན་མཐོང་། །ཞེས་བྱ་བ་ལྟ་བུ་སྟེ། དེ་ལྟར་ཉོན་མོངས་པའི་རྣམ་པ་བཅད་ནས་ཤེས་རབ་ཅན་རི་ཁ་ན
177a2 གནས་པས་ཉོན་མོངས་པའི་རྣམ་པ་དང་འབྲེལ་པའི་བྱིས་པ་མཐོང་བ་བཞིན་ནོ། །གསོལ་པ། ཤེས་རབ་ཁང་ཐོག་མཆིས་པ་གང་དག་ལགས། །མྱ་ངན་མ་མཆིས་གང་ལགས་འཇིག
177a3 རྟེན་ན|་|མྱ་ངན་མ་མཆིས་མྱ་ངན་འདས་པ་ལ། །མྱ་ངན་དག་ནི་ཇི་ལྟར་མཆིས་པར་འགྱུར། །གལ་ཏེ་སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་ན། བྱིས་པ་རྣམས
177a4 ཀྱིས་ཇི་ལྟར་མཐོང་ལགས། ཤེས་རབ་ཀྱི་ཁང་བཟང་གི་སྟེང་དུའང་ཇི་ལྟར་བཞུགས་ལགས། མི་རི་ཁ་ན་མཆིས་པས་ནི། མཐོང་དུ་རུང་སྟེ། འདི་ནི། མཆིས་ན་གདོད་རུང་བ་ལགས
177a5 ན|་ཡོངས་སུ་མྱ་ངན་ལས་འདས་པས་ཇི་ལྟར་མཐོང་ལགས། བཀའ་སྩལ་པ། ཤེས་རབ་ཀྱི་ཁང་བཟང་ནི། མྱ་ངན་ལས་འདས་པའོ། །མྱ་ངན་མེད་པ་ནི། དེ་བཞིན་གཤེགས
177a6 པའོ|་|མྱ་ངན་གྱི་ཤས་ཆེ་བ་ནི། སྐྱེ་རྒུ་རྣམས་ཡིན་ཏེ། དེ་དག་ནི། མྱ་ངན་ཅན་ཡིན་ལ། དེ་བཞིན་གཤེགས་པ་ནི། མྱ་ངན་མེད་པའོ། །རི་ཞེས་བྱ་བ་ནི། ཐར་པ་ཡིན་ཏེ། རི
177a7 རབ་བཞིན་དུ་བརྟན་པའི་ཕྱིར་རོ། །ས་ཞེས་བྱ་བ་ནི། འདུ་བྱེད་རྣམས་སོ། །བྱིས་པ་ཐམས་ཅད་ནི། ས་ལ་འཁོད་པའོ། །ཤེས་རབ་ཅན་ཞེས་བྱ་བ་ནི། རྫོགས་པའི་སངས་རྒྱས་ཀྱི
iiif viewer powered by OpenSeadragon
