| e-texts navigator |
| Wylie |
176b1 མེད་པ་དང་། འཆི་བ་མེད་པ་དང་། གཞིག་ཏུ་མེད་པ་ཞེས་ང་ཟེར་རོ། །དེ་ལ་བག་མེད་པ་དང་ལྡན་པ་རྣམས་ནི། གང་ཡིན། བག་ཡོད་པ་དང་ལྡན་པ་རྣམས་ནི། གང་ཡིན་ཞེ་ན། འཇིག་རྟེན
176b2 པ་རྣམས་ནི། བག་མེད་པ་དང་ལྡན་པ་ཡིན་ཏེ། ཤི་བ་དང་འདྲའོ། །འཇིག་རྟེན་ལས་འདས་པ་རྣམས་ནི། རྒ་བ་མེད་པ་དང་། འཆི་བ་མེད་པའོ། །བག་ཡོད་པ་དང་ལྡན་པ་རྣམས་ནི། མྱ་ངན
176b3 ལས་འདས་པ་མཆོག་ཏུ་བདེ་བ་ཐོབ་པའོ། །དེ་བས་ན། ཆོས་ཁ་ཅིག་ནི། སྡུག་བསྔལ་ལ། ཆོས་ཁ་ཅིག་ནི། བདེ་བ་ཡིན་ནོ། །ཞེས་ངས་བསྟན་ཏོ། །ཆོས་ཁ་ཅིག་ནི། བདག་མེད་ལ།
176b4 ཆོས་ཁ་ཅིག་ནི། བདག་ཡོད་པ་ནི། དཔེར་ན། ས་ལ་འདུག་པའི་མི་ལྷའི་མིག་མེད་པས་ནམ་མཁའ་ལ་བྱ་འཕུར་བའི་རྗེས་མི་མཐོང་བ་དེ་བཞིན་དུ། ཉོན་མོངས་པ་ལ་གནས་པ་རྣམས
176b5 ཀྱིས་བདག་ཉིད་ལ་སྙིང་པོའི་མཆོག་ཡོད་པ་བདག་གིས་མི་མཐོང་སྟེ། དེ་བས་ན། ངས་དགོངས་པའི་ཚིག་གིས་བདག་མེད་དོ། །ཞེས་བསྟན་ཏོ། །ལྷའི་མིག་མེད་པའི་མི་རྣམས་ཀྱིས
176b6 ནི|་བདག་ལ་བདག་ཡོད་དུ་ཟིན་ཀྱང་མི་མཐོང་སྟེ། ཉོན་མོངས་པ་ཡིན་ནོ། །ཞེས་ང་ཟེར་རོ། །ཉོན་མོངས་པའི་རྣམ་པའི་འདུ་བྱེད་རྣམས་གང་ཡིན་པའི་ཆོས་དེ་དག་ནི། མི་རྟག་པ་ཞེས
176b7 བྱའོ། །དེ་བས་ན། ཆོས་ཁ་ཅིག་ནི། མི་རྟག་པའོ། །ཞེས་ངས་བསྟན་ཏོ། །རྒྱུ་དེས་ན། ཤེས་རབ་ལྡན་པ་རི་ཁར་འདུག་པ་ཡིས། །བྱིས་པ་ས་ལ་འདུག་པ་ལེགས་པར་མཐོང་། །ཤེས་རབ
iiif viewer powered by OpenSeadragon
