| e-texts navigator |
| Wylie |
175b1 ཞེས་བྱའོ། །དེ་ལྟར་ན། ལྷའི་ཡུལ་དང་། སའི་སྟེང་དག་ཏུ་སྒྱུ་མ་རྣམ་པ་སྣ་ཚོགས་སྟོན་ཏོ། །དེ་ལྟར་སངས་རྒྱས་བཅོམ་ལྡན་འདས་རྣམས་ནི། འཇིག་རྟེན་དང་མཐུན་པར་སྟོན་ཏོ། །སྙམ་དུ
175b2 ཤེས་ནས་ཤའི་མིག་དང་ལྡན་པའི་བྱིས་པ་རྣམས་ཀྱིས་ཀྱང་ཐོགས་པ་མེད་པའི་ཡེ་ཤེས་ཐོབ་པར་བྱ་བའི་ཕྱིར་མཁས་པའི་ཤེས་པ་ལ་གནས་པར་བྱའོ། །དེ་ལྟར་ན། མྱ་ངན་དང་། མྱ་ངན
175b3 མེད་པ་ཞེས་བྱ་བ་ནི། རྫོགས་པའི་སངས་རྒྱས་ཀྱིས་བཏགས་པ་ཡིན་གྱི། བྱིས་པ་རྣམས་ཀྱི་ཡུལ་མ་ཡིན་ནོ། །དེ་བས་ན། ཆོས་ཁ་ཅིག་ནི། བདག་ཡོད་ལ། ཆོས་ཁ་ཅིག་ནི། བདག
175b4 མེད་དེ|་འདི་ནི། ཟལ་མོ་ལྟ་བུར་བསྟན་པ་ཡིན་ནོ། །རིགས་ཀྱི་བུ། གཞན་ཡང་སངས་རྒྱས་ཀྱི་སྤྱོད་ཡུལ་བྱ་བཞད་ཟས་ལ་འགྲོ་བ་ལྟ་བུ་བསྟན་པར་བྱ་སྟེ། དཔེར་ན། བྱ་བཞད་རྣམས
175b5 དང་ཟལ་མོ་རྣམས་ནི། དབྱར་ཆུ་ཀླུང་རྣམས་ཀྱི་ཆུ་ཤིན་ཏུ་བྲུག་པའི་ཚེ་རང་གི་སྒོ་ངའི་ཚིས་བྱ་བའི་ཕྱིར་ཐང་ག་ལས་གཞི་བརྟན་པོར་གནས་འཆའ་བར་བྱེད་ལ། སྤྱོད་ཡུལ་གང་ཡིན་པ
175b6 དེར་འདོང་བར་བྱེད་དེ། དེ་ནི། དེ་དག་གི་ཆོས་ཉིད་དོ། །དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་སྐྱེས་ནས་སེམས་ཅན་བྱེ་བ་ཕྲག་མང
175b7 པོ་དམ་པའི་ཆོས་ལ་བཀོད་དེ། བཞད་དང་ཟལ་མོ་བཞིན་དུ་གདུལ་བར་བྱ་བ་ཇི་སྙེད་ཡོད་པ་དེ་དག་གི་དོན་རྣམས་བྱས་ཟིན་ནས་གདུལ་བར་བྱ་བ་གཞན་དག་ག་ལ་ཡོད་པ་དེར་སྣང་བར
iiif viewer powered by OpenSeadragon
