| e-texts navigator |
| Wylie |
16b1 ག་ཡི་བུ་ལ་སོགས་པ་དྲི་ཟའི་བདག་པོ་གངྒཱའི་ཀླུང་སུམ་ཅུའི་བྱེ་མ་སྙེད་ཀྱིས་མཆོད་པ་སྔ་མ་ཐམས་ཅད་པས་ཀྱང་ཆེས་མཆོག་ཏུ་གྱུར་པའི་མཆོད་པ་རྣམས་ཁྱེར་ཏེ་འོངས་ནས་དེ་བཞིན་གཤེགས་པ་ལ
16b2 མ་ཆོད་པ་བྱས་ཏེ་རོལ་མོ་སྙན་རྒུ་བྱས་ནས་ཕྱག་བཙལ་ཏེ་བཅོམ་ལྡན་འདས་ལ་ཞལ་ཟས་བཞེས་པར་གསོལ་བ་བཏབ་ཀྱང་བཅོམ་ལྡན་འདས་ཀྱིས་མ་བཞེས་ནས་དེ་དག་ཀྱང་ཡིད་མི་དགའ་བར་གྱུར
16b3 ཏེ་ལངས་ནས་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་མིའམ་ཅིའི་བདག་པོ་ལེགས་མཐོང་ལ་སོགས་པ་མིའམ་ཅིའི་བདག་པོ་གངྒཱའི་ཀླུང་བཞི་བཅུའི་བྱེ་མ་སྙེད་ལྷགས་ཏེ་སྔ་མ་རྣམས་ཀྱི
16b4 མཆོད་པ་དེ་དག་བསྡོམས་པ་བས་ཀྱང་དེ་དག་རེ་རེའི་མཆོད་པ་ཆེས་ཁྱད་པར་འཕགས་པར་གྱུར་ཏེ། དེ་དག་ཀྱང་ཞལ་ཟས་མ་བཞེས་ནས་ཡིད་མི་དགའ་བར་གྱུར་ཏེ་ཕྱོགས་གཅིག་ཏུ་འཁོད་དོ། །གཞན
16b5 ཡ་ཨང་དེའི་ཚེ་ལྟོ་འཕྱེ་ཆེན་པོའི་བདག་པོ་ལེགས་མཐོང་ཆེན་པོ་ལ་སོགས་པ་ལྟོ་འཕྱེ་ཆེན་པོའི་བདག་པོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱིས་མཆོད་པ་སྔ་མའི་ཉིས་འགྱུར་ཁྱེར་བ་ལས་སྡམ་བཞིན་དུ་ཞལ་ཟས
16b6 མ་བཞེས་ནས་ཡིད་མི་དགའ་སྟེ་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་ལྷ་མ་ཡིན་གྱི་བདག་པོ་བདེ་མཆོག་རིགས་ལ་སོགས་པ་ལྷ་མ་ཡིན་གྱི་བདག་པོ་གངྒཱའི་ཀླུང་དྲུག་ཅུའི་བྱེ་མ་སྙེད་ལུས་ཆེ
16b7 ཞིང་སྣང་བ་ཆེན་པོ་དང་ལྡན་པ། ལྷ་མ་ཡིན་གྱི་བསམ་པ་མེད་པ་ཤ་སྟག་གིས་མཆོད་པ་སྔ་མའི་ཉིས་འགྱུར་ཉིས་འགྱུར་གྱི་མཆོད་པ་དག་ཁྱེར་ཏེ་འོངས་ཏེ། བཅོམ་ལྡན་འདས་ལ་ཕྱག་བཙལ་ནས་ཞལ་ཟས
iiif viewer powered by OpenSeadragon
