| e-texts navigator |
| Wylie |
167a1 བ་གང་ཡིན་པ་དེ་དག་ལ་ནི། འཕགས་པ་ཞེས་བྱའོ། །ཱ་ཞེས་བྱ་བ་ནི། ཆོས་ལུགས་སུ་སྟན་པ་སྟེ། ཆོ་ག་དང་། སྤྱོད་ཡུལ་དང་། འདུལ་བ་དང་། འཇིག་རྟེན་དང
167a2 མཐུན་པར་འཇུག་པ་ཞེས་བྱ་བས་ན། དོན་ཐ་དད་པ་མ་ཡིན་ནོ། །ཡང་ཨཱ་ཞེས་བྱ་བས་དོན་ཅི་ཞིག་རྒྱས་པར་བྱེད་ཅེ་ན། འཕགས་པ་རྣམས་ལ་བརྟེན་ནས་སེམས་ཅན་ཐམས་ཅད་ཀྱིས
167a3 ཆོ་ག་དང་། སྤྱོད་ཡུལ་དང་། ཕ་མ་དང་། སློབ་དཔོན་དང་། འདུལ་བ་དང་། གཅེས་པ་ཡིན་པར་ཤེས་ཤིང་། འདི་ནི། ཆོས་ཉིད་ཡིན་ནོ། །སྙམ་དུ་ཤེས་པར་འགྱུར་བའོ། །འཕགས་པ
167a4 གང་ཡིན་པ་དེ་དག་ནི། རིགས་ཀྱི་བུའམ། རིགས་ཀྱི་བུ་མོ་ཐེག་པ་ཆེན་པོ་ལ་ཞུགས་པ་རྣམས་ཏེ། དགེ་སློང་ཚུལ་ཁྲིམས་དང་ལྡན་པ་རྣམས་དང་། བྱང་ཆུབ་སེམས་དཔའ་སེམས་དཔའ
167a5 ཆེན་པོ་དེ་དག་ལ་འཕགས་པ་ཞེས་བྱའོ། །ཡང་ཨཱ་ཞེས་བྱ་བ་ནི། ཁྲིམས་སུ་སྟོན་པ་སྟེ། ཁྲིམས་ཞེས་བྱ་བ་ནི། ཀྱེ་མི་ཁྱོད་ཚུར་ཤོག་།ཁྱོད་ཀྱིས་ཚུལ་མ་ཡིན་པ་བྱས་ཀྱི། ཕྱིན་ཆད
167a6 དེ་ལྟར་མ་བྱེད་ཅིག་། ཅེས་བྱ་བ་དེ་ལྟ་བུ་ཚུལ་མ་ཡིན་པ་རྣམས་དེའི་ཚེ་དྲན་པར་བྱེད་པའི་དོན་ཏོ། །ི་ཞེས་བྱ་བ་ནི། འདི་ཞེས་བྱ་བའི་དོན་ཏེ། བསྟན་པ་འདི་ནི། ཚངས་པར་སྤྱོད་པ་ཟླ
167a7 བ་ཉ་བ་བཞིན་དུ་དྲི་མ་མེད་ཅིང་རྣམ་པར་དག་པའོ། །བསྟན་པ་འདི་ནི། བཅོམ་ལྡན་འདས་ཀྱིའོ། །འདི་ནི། བྱོས་ཤིག་།འདི་ནི། དོན་ཡོད་པའོ། །འདི་ནི། དོན་མེད་པའོ། །འདི་ནི།
iiif viewer powered by OpenSeadragon
