| e-texts navigator |
| Wylie |
166a1 འབྲས་ཀྱི་འབྲུ་ཙམ་ཞིག་སྙིང་ལ་གནས་ཏེ་འབར་རོ་ཞེས་ལོག་པར་རྟོག་པར་བྱེད་དེ། དེ་དག་གི་ལྟ་བ་དེ་ནི། ལོག་པར་ལྟ་བ་གཅིག་ནས་གཅིག་ཏུ་བརྒྱུད་དེ
166a2 འོངས་པ་ཡིན་ཏེ། དོན་དུ་འགྱུར་བ་དང་། བདེ་བར་འགྱུར་བ་མ་ཡིན་ནོ། །དེ་བས་ན། ངས་བདག་མེད་པར་བསྟན་ཏོ། །འོན་ཀྱང་ད་དུང་འཇིག་རྟེན་པ་རྣམས་བདག་ཡོད་དོ་སྙམ་དུ
166a3 ལོག་པར་རྟོག་པར་བྱེད་དོ། །རིགས་ཀྱི་བུ། དེ་བས་ན། ཡང་ངའི་བསྟན་པ་ལས་རལ་གྲི་ཡང་དག་པ་དང་འདྲ་བར་བདག་ནི། འདི་ལྟ་བུ་ཞིག་གོ་།ཞེས་དེ་བཞིན་གཤེགས་པའི
166a4 སྙིང་པོ་ངས་བཤད་པར་བྱའོ། །ལེགས་པར་སྨྲས་པ་ཆོས་དང་འཚམ་པ་གང་ཡིན་པ་དེ་ནི། འཇིག་རྟེན་པ་རྣམས་ཀྱི་ཡིན་ནའང་འཇིག་རྟེན་ལས་འདས་པ་ཡིན་པར་རིག་པར་བྱའོ། །
166a5 འཇིག་རྟེན་པའི་ནང་ན་རྣམ་པ་ཐམས་ཅད་དུ་ཆོས་ཀྱི་མཆོག་ནི། བྱང་ཆུབ་སེམས་དཔའ་སྤྲུལ་པ་ཡིན་པར་རིག་པར་བྱ་སྟེ། བསྟན་བཅོས་སམ། རིག་སྔགས་སམ། གསང་སྔགས
166a6 ཅིའང་རུང་བ་དེ་དག་ཐམས་ཅད་ནི། རྫོགས་པའི་སངས་རྒྱས་ཀྱིས་གསུངས་པ་ཡིན་པར་ཤེས་པར་གྱིས་ཤིག་།གསོལ་པ། བཅོམ་ལྡན་འདས་ཀྱིས་ཡི་གེའི་ཕྱི་མོ་ཇི་ལྟར་བཀའ
166a7 སྩལ་ལགས། བཅོམ་ལྡན་འདས་ཀྱིས་བཀའ་སྩལ་པ། ཡི་གེའི་ཕྱི་མོ་ཐམས་ཅད་ནི། ཐོག་མར་ཡི་གེ་ཕྱེད་པ་སྤྲུལ་ཏེ། ཕྱི་མོ་རྣམས་ལ་རིག་སྔགས་དང་། གསང་སྔགས
iiif viewer powered by OpenSeadragon
