| e-texts navigator |
| Wylie |
165b1 དེ་མཐོང་ངམ་ཞེས་བྱས་ནས་ཤིའོ་། གཞན་ཡང་ཆེའོ་ཅོག་གིས་རལ་གྲི་དེ་བཙལ་ཀྱང་མ་རྙེད་དོ། །དེ་ནས་རྒྱལ་པོའི་བུ་གཞན་ཞིག་རྒྱལ་སར་བཅུག་ནས་དེས་རལ་གྲི་དེ་རྙེད་དོ། །གཞན
165b2 དག་ནི། མ་རྙེད་བཞིན་དུ་རྒྱལ་པོ་བྱེད་དོ། །དེ་ལྟར་གཅིག་ནས་གཅིག་ཏུ་བརྒྱུད་པའི་རྒྱལ་པོ་དེ་དག་གིས་ནི། རལ་གྲི་དེ་མ་མཐོང་སྟེ། རལ་གྲི་དེ་འདི་ལྟ་བུ། འདི་འདྲ་བ་ཞིག་གོ་།ལུག
165b3 རུ་འདྲ་བ་ཞིག་གོ། ར་རུ་འདྲ་བ་ཞིག་གོ། །སྙམ་དུ་རྟོག་པར་བྱེད་དོ། །ཁ་ཅིག་ནི། ཅི་དགའ་མགུར་རྟོག་པར་བྱེད་པ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོའང་མཐའི
165b4 རྒྱལ་པོའི་བུ་དེ་འདྲ་བར་འཇིག་རྟེན་དུ་འབྱུང་སྟེ། བདག་གི་དེ་ཁོ་ན་ཉིད་བསྟན་ནས་འཆི་བར་བྱེད་དོ། །དེ་ནས་བློ་ཆུང་བ་གང་ཡིན་པ་དེ་དག་ནི། སེམས་ཅན་ཐམས་ཅད་ལ་བདག་འདི་ལྟ
165b5 བུ|་འདི་འདྲ་བ་ཞིག་ཡོད་དོ། །སྙམ་སྟེ་ལོག་པར་མཐོང་ནས་ཤེས་རབ་མེད་པ་རྣམས་ལ་རྨི་ལམ་དུ་རྨིས་པ་བཞིན་དུ་སྟོན་པར་བྱེད་དོ། །འཇིག་རྟེན་པ་དེ་དག་གིས་ཀྱང་དེ་སྐད་དུ་ཐོས
165b6 ནས་རང་གི་ལུས་ལ་བདག་གི་ཁམས་ཡོད་དོ། །སྙམ་དུ་རྟོག་པར་བྱེད་ལ། དེ་དག་གིས་བདག་དེའི་རང་བཞིན་ནོ། །མི་ཤེས་སོ། །དེ་ལྟར་བྱང་ཆུབ་སེམས་དཔའི་ཚིག་ཐོས་ནས་ལོག་པར
165b7 བཟུང་སྟེ་རལ་གྲི་ར་རུ་འདྲ་བར་རྟོག་པ་དེ་བཞིན་དུ་རྣམ་པ་མང་པོར་རྟོག་པར་བྱེད་དོ། །འཇིག་རྟེན་པ་རྣམས་སྐྱེས་བུ་མཐེ་བོ་ཙམ་ཞེས་བྱ་བ་དང་། ལྡུམ་བུ་ཤ་མ་དཀའི་འབྲས་བུ་ཙམ་དང
iiif viewer powered by OpenSeadragon
