| e-texts navigator |
| Wylie |
165a1 དེའི་རལ་གྲི་དེ་ལ་མདོག་བཟང་པོ་དེ་མཐོང་བ་ལས་རྒྱལ་པོའི་བུ་དེས་རལ་གྲི་དེ་ཁྱེར་ནས་ཡུལ་གཞན་དུ་སོང་ངོ་། །དེ་ནས་མི་དབུལ་པོ་དེ་མཚན་མོ་མགོན་མེད
165a2 པའི་རྟེན་ཁང་ཞིག་ཏུ་ཉལ་བ་ལས་བརྡོལ་ཏེ། རལ་གྲི་རལ་གྲི་ཞེས་ཟེར་ནས་དེའི་ཚིག་གྲོང་སྲུང་རྣམས་ཀྱིས་ཐོས་ནས་རྒྱལ་པོ་ལ་གསོལ་ཏེ། རྒྱལ་པོ་དེས་མི་དེ་བཀུག་ནས་ཀྭའི་རལ
165a3 གྲི་ཅི་འདྲ་བ་ཞིག་། ག་ལས་འོངས་ཞེས་སྨྲས་པ་དང་། དེས་སྐབས་དེའི་གཏམ་རྒྱལ་པོ་དེ་ལ་གསོལ་ནས་ལྷ། གལ་ཏེ་བདག་གིས་བརྐུས་པར་གྱུར་ན། བདག་གི་རྐང་ལག་འདི
165a4 དག་བཅད་དུ་གསོལ། བདག་གིས་ནི། མཛའ་བོ་དང་ལྷན་ཅིག་རྩེ་བའི་ཚེ་མཐོང་བར་བས་ཏེ། རེག་ཀྱང་མ་རེག་ལགས་སོ། །ཞེས་བྱས་སོ། །དེ་ནས་རྒྱལ་པོ་དེས་དེ་ལ་སྨྲས་པ།
165a5 རལ་གྲི་དེའི་དབྱིབས་དང་། མདོག་ཅི་འདྲ་བ་ཞིག་ཅེས་བྱས་ནས་དེས་རྒྱལ་པོ་ལ་གསོལ་བ། ལྷ། རལ་གྲི་དེ་ནི། ར་རུ་འདྲ་བ་ཞིག་ལགས་སོ། །ཞེས་བྱས་སོ། །དེ་ནས་རྒྱལ་པོ་དེས་མི
165a6 དེ་བཏང་སྟེ་མི་ཁྱོད་མ་འཇིགས་ཤིག་། མ་འཇིགས་ཤིག་།སྐྱེན་པར་གར་བདེ་བར་སོང་ཞིག་།ཁྱོད་ཀྱིས་སྔོན་རལ་གྲི་དེ་རྒྱལ་པོའི་ཕོ་བྲང་འདིར་མཐོང་ཡང་མ་མཐོང་སྟེ། རྒྱལ་པོའི
165a7 བུས་རང་གི་ཡུལ་དུ་ཚོང་འདུས་ནས་རྙེད་པ་ལྟ་ཞིག་སྟེ། དེ་ནི། རྒྱལ་པོས་ཀྱང་རྙེད་པར་དཀའོ། །ཞེས་བྱས་སོ། །དེ་ནས་རྒྱལ་པོ་དེས་མདུན་ན་འདོན་དང་། བློན་པོ་རྣམས་ལ་རལ་གྲི
iiif viewer powered by OpenSeadragon
