| e-texts navigator |
| Wylie |
163a1 ནམ་མཁའ་ཡིན་སྙམ་པ་ལས་ལེགས་པར་བརྟགས་ན། བྱ་གར་ཡིན་པར་འོལ་སྤྱིར་མཐོང་བ་དེ་བཞིན་དུ། རིགས་ཀྱི་བུ། ས་བཅུ་ཐོབ་པའི་བྱང་ཆུབ་སེམས
163a2 དཔའ་སེམས་དཔའ་ཆེན་པོ་རྣམས་ཀྱིས་ཀྱང་རང་གི་ལུས་ལ་དེ་བཞིན་གཤེགས་པའི་སྙིང་པོ་ཡོད་བཞིན་དུ་ཡོད་པར་འོལ་སྤྱིར་མཐོང་བར་ཟད་དོ། །རིགས་ཀྱི་བུ། དཔེར་ན། རྒྱ
163a3 མཚོའི་གྲུང་ཞུགས་པའི་མིས་དཔག་ཚད་མང་པོ་ཞིག་གི་ཕ་རོལ་ནས་གྲོང་ཁྱེར་གྱི་ནང་ན་ཁང་བཟང་དཀར་པོ་ཞིག་མཐོང་ནས་འདི་སྙམ་དུ་རྟོག་སྟེ། ཅི་འདི་ནམ་མཁའ་ཡིན
163a4 ནམ|་ཁང་བཟང་ཡིན་ཞིག་གུ་སྙམ་པ་ལས་ལེགས་པར་བརྟགས་ན། འོལ་སྤྱིར་མཐོང་བ་དེ་བཞིན་དུ་ས་བཅུ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས
163a5 ཀྱིས་ཀྱང་རང་གི་ལུས་ལ་སངས་རྒྱས་ཀྱི་ཁམས་ཡོད་བཞིན་དུ་ཡོད་པར་འོལ་སྤྱིར་མཐོང་བར་ཟད་དོ། །རིགས་ཀྱི་བུ། དཔེར་ན། རྒྱལ་པོའི་བུ་གཞོན་ནུ་སྐྱིད་དེ་བར་འདུག་པ
163a6 ཞིག་མཚན་ཡལ་ནངས་སུ་རོལ་མོ་ལ་ལྟད་མོ་ལྟ་ལྟ་བ་ལས་ལངས་ཏེ་ཉི་མའི་འོད་ཀྱིས་མིག་འཁྲུགས་པར་གྱུར་པས་ལེགས་པར་བརྟགས་ན། རང་གི་སྐ་རགས་འོལ་སྤྱིར་ཙམ
163a7 མཐོང་བ་དེ་བཞིན་དུ། ས་བཅུ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་རང་གི་ལུས་ལ་སངས་རྒྱས་ཀྱི་ཁམས་ཡོད་པར་འོལ་སྤྱིར་མཐོང་བར་ཟད
iiif viewer powered by OpenSeadragon
