| e-texts navigator |
| Wylie |
162b1 ཏེ། རིགས་ཀྱི་བུ། དེ་ལྟར་ན། ངའི་ཁམས་ཀྱི་བསྟན་བཅོས་ལ་འཇུག་པ་ནི། མཐོང་བར་དཀའ་བ་ཡིན་ནོ། །རིགས་ཀྱི་བུ། གཞན་ཡང་དཔེར་ན། མི་ལ་ལ་ཞིག་གིས་ནམ་མཁའ་ལ
162b2 དང་བ་སྤྲེངས་ཤིང་ལྡིང་བ་མཐོང་ལ་དེས་དེ་ལྟར་མཐོང་ནས་ཐེ་ཚོམ་སྐྱེས་ཏེ། ཅི་འདི་ནམ་མཁའ་ཡིན་ནམ། འོན་ཏེ་ངང་པ་ལྡིང་པ་ཡིན་ཞིག་གུ་སྙམ་ནས་དེས་ལེགས་པར་བརྟགས
162b3 སོ། ངང་པ་ལྡིང་བ་ཡིན་པར་འོལ་སྤྱིར་མཐོང་བ་དེ་བཞིན་དུ་ས་བཅུ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་བདག་ཅག་གིས་རང་རང་ལ་དེ་བཞིན
162b4 གཤེགས་པའི་སྙིང་པོ་ཡོད་པར་འོལ་སྤྱིར་མཐོང་ངོ་སྙམ་དུ་སེམས་ན། ཉན་ཐོས་དང་རང་སངས་རྒྱས་ཐམས་ཅད་ཀྱིས་ལྟ་མཐོང་རེ་སྐན། དཔེར་ན། མི་ལ་ལ་ལམ་དུ་ཞུགས་པ་ལས
162b5 མཁྲིས་པ་འཁྲུགས་ཏེ་ཕྱོགས་བསླད་ནས་ལེགས་པར་བརྟགས་ན། ལམ་དང་གཟུགས་འོལ་སྤྱིར་མཐོང་བ་དེ་བཞིན་དུ་ས་བཅུ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ
162b6 རྣམས་ཀྱིས་ཀྱང་ལེགས་པར་བརྟགས་ན། རང་གི་ལུས་ལ་དེ་བཞིན་གཤེགས་པའི་སྙིང་པོ་བྱས་པ་མ་ཡིན་པའི་ཁམས་ཡོད་པར་འོལ་སྤྱིར་མཐོང་བར་ཟད་དོ། །དཔེར་ན། མགྲོན་པོ
162b7 ལ་ལ་ཞག་སྐོམ་གྱིས་གདུངས་ནས་དབྱེ་དགོན་པ་ན་ཆུ་མི་རྙེད་ད། ཆུ་འདོད་ཅིང་འདུག་པ་ལས་ཤིང་ཀ་ན་བྱ་གར་འཁོད་པ་དག་མཐོང་ནས་ཅི་འདི་ཁང་བཟང་ཞིག་ཡིན་ནམ། འོན་ཏེ
iiif viewer powered by OpenSeadragon
