| e-texts navigator |
| Wylie |
162a1 དའང་དེ་ཁོ་ན་སྐད་ཟེར་རོ། །གསོལ་བ། ཇི་ལྟར་མཐོང་བར་དཀའ་བ་ལགས། བཀའ་སྩལ་པ། རིགས་ཀྱི་བུ། དཔེར་ན། ལོང་བ་བརྒྱ་ཞིག་ཡོད་ལ། ལོང་བ་དེ་དག
162a2 མིག་གིས་མཐོང་བར་འདོད་པའི་ཕྱིར་སྨན་པ་ཆེན་པོ་མིག་མཁན་ཞིག་གཉེར་ནས་སྨན་པ་དེས་དེ་དག་གིས་མིག་དཔྱད་བྱས་ཏེ། དེ་དག་གི་མིག་སྤྲིས་ཡོག་པ་བསལ་ནས་རང་གི
162a3 སོར་མོ་གཅིག་བསྟན་ཏེ་དེ་རེ་རེ་ལ་འདི་སྐད་དུ། ཀྱེ་མི་ཁྱོད་ཀྱིས་ངའི་སོར་མོ་ལྟོས་ཤིག་དང་། ཁྱོད་ཀྱི་དཔྱད་ལེགས་སམ་མ་ལེགས་པ་མངོན་ནོ། །ཞེས་ཟེར་རོ། །དེ་ནས་དཔྱད་བྱས
162a4 སུ་ཟིན་ཀྱང་དེའི་སོར་མོ་ཐབས་ཇི་ལྟར་བསྟན་ཀྱང་མི་དེ་དག་གིས་མ་མཐོང་ངོ་། །དེ་ནས་ལན་གཉིས་ལན་གསུམ་གྱི་བར་དུ་བསྟན་པ་དང་དེའུ་མ་མཐོང་སྟེ་མཐོང་བ་དེ་བཞིན་དུ། རིགས
162a5 ཀྱི་བུ། ས་བཅུ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཡོངས་སུ་སྦྱང་བའི་དཔྱད་ཐམས་ཅད་བྱས་པ་རྣམས་ཀྱང་དེ་དང་འདྲ་སྟེ། དེ་ལྟར་ཡོངས་སུ་སྦྱང་བ་བྱས་ཀྱང
162a6 མ་ཨི་དེ་དག་དང་འདྲ་བར་བདག་ཉིད་ལ་དེ་བཞིན་གཤེགས་པའི་སྙིང་པོ་ཡོད་པར་ལན་གཉིས་ལན་གསུམ་གྱི་བར་དུ་ངས་བསྟན་པ་དང་དེའུ་མ་མཐོང་སྟེ་མཐོང་ནས་འདི་སྐད་ཅེས
162a7 ཟེར་ཏེ། བདག་ཅག་ཀྱང་ཡུན་འདི་སྲིད་ཀྱི་བར་དུ་བདག་མེད་པའི་འཁོར་ལོ་གཅིག་པུས་ཡོངས་སུ་བསྐོར་ན། ཉན་ཐོས་དང་རང་སངས་རྒྱས་རྣམས་ཀྱིས་ལྟ་མཐོང་རེ་སྐན་ཞེས་ཟེར
iiif viewer powered by OpenSeadragon
