| e-texts navigator |
| Wylie |
161a1 པའི་སྙིང་པོ་ནི། མར་གྱི་ཉིང་ཁུ་ལྟ་བུའི་རང་བཞིན་ཅན་ཡིན་མོད་ཀྱི། ཉོན་མོངས་པའི་རྣམ་པའི་ཉེས་པ་གཞན་དུ་སྣང་བར་གྱུར་ཏོ། །དཔེར་ན། རྒྱ་མཚོའི་ཆུ་ནི།
161a2 ལན་ཚྭའི་དོན་གཅིག་པུ་བྱེད་པར་ཟད་མོད་ཀྱི། ལན་ཚྭའི་དོན་གཅིག་པུ་བྱེད་པའོ། །ཞེས་བརྗོད་པར་མི་བྱ་སྟེ། རྒྱ་མཚོའི་ནང་ནའོ་མའི་རྒྱ་མཚོ་ཞེས་བྱ་བའང་ཡོད་དོ། །གངས་ཀྱི་རི་ལའང
161a3 སྨན་ཡོད་པའི་ཕྱིར་ཡོན་ཏན་ལས་སྨོས་ཏེ། གངས་ཀྱི་རི་ལ་ནི། དུག་ཀྱང་ཡོད་མོད་ཀྱི། འོན་ཀྱང་སྨན་གཙོ་བོར་སྨོས་པ་དེ་བཞིན་དུ་ལུས་འདིའང་དེ་དང་འདྲ་སྟེ། སྦྲུལ་གདུག་པ
161a4 ལྟ་བའི་ཁམས་བཞིའི་དུག་དང་ལྡན་མོད་ཀྱི། སྨན་གྱི་རྒྱལ་པོ་དེ་བཞིན་གཤེགས་པའི་སྙིང་པོ་དེ་ཡོད་པས་ན། དེ་བཞིན་གཤེགས་པའི་སྙིང་པོ་ཐོག་མ་ནས་བཅོས་མ་མ་ཡིན
161a5 པའི་ཁམས་ཡིན་ལ། ཉོན་མོངས་པ་རྣམས་ནི། གློ་བུར་དུ་བྱུང་བ་ཡིན་ཏེ། སངས་རྒྱས་སུ་འགྱུར་བར་འདོད་པ་སུའང་རུང་བ་རྣམས་ཀྱིས་ནི། ཉོན་མོངས་པའི་རྣམ་པ་རྣམས
161a6 གཞོམ་པར་བྱའོ། །དཔེར་ན། ནམ་མཁའ་ལས་འབྲུག་སྒྲ་བསྒྲགས་ན། ཤ་མོ་མྱུར་བར་རབ་ཏུ་སྐྱེ་བར་འགྱུར་ལ། སོས་ཀ་ན་ནི། ཤ་མོའི་མིང་ཡང་མེད་དོ། །འབྲུག་སྒྲས་འཐོན
161a7 པར་འགྱུར་པ་དེ་བཞིན་དུ་དེ་བཞིན་གཤེགས་པའི་སྙིང་པོ་དེའང་ཉོན་མོངས་པའི་རྣམ་པས་བསྒྲིབས་པས་བདག་མེད་པ་བཞིན་དུ་སྣང་ལ། མདོ་ཆེན་པོ་འདི་ཐོས་པ་གང་ཡིན་པ
iiif viewer powered by OpenSeadragon
