| e-texts navigator |
| Wylie |
160a1 བདག་ཡོད་པ་དང་། བདག་མེད་པ་གཉིས་སུ་མེད་པར་གཟུང་བར་བྱའོ། །རིགས་ཀྱི་བུ། བསོད་ནམས་ཐམས་ཅད་བསྡུས་པའི་མདོ་དང་། ཤེས་རབ་ཀྱི་ཕ
160a2 རོལ་ཏུ་ཕྱིན་པའི་མདོ་ཆེན་པོ་ལས་གཉིས་སུ་མེད་པ་ལ་འཇུག་པའི་སྣང་བ་དེ་ཉིད་ལས་བདག་ཡོད་པ་དང་། བདག་མེད་པ་གཉིས་སུ་མེད་པར་ངས་བསྟན་པ་དེ་རྗེས་སུ་དྲན་པར
160a3 གྱིས་ཤིག། །།འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ། བམ་པོ་བཅུ་པ། དཔེར་ན། འོ་མ་ལས་ཞོ་བྱུང་། ཞོ་ལས་མར་འབྱུང་། མར་ལས་ཞུན
160a4 མར་བྱུང་། ཞུན་མར་ལས་མར་གྱི་ཉིང་ཁུ་འབྱུང་ན། དེ་ལ་ཅི་ཞོ་དེ་འོ་མའི་དངོས་པོ་དང་མགོ་མཉམ་དུ་བྱུང་ངམ། འོན་ཏེ་ཞོ་རང་ཉིད་བྱུང་ངམ། དེ་བཞིན་དུ་ཅི་མར་དེ་ཞོའི་དངོས
160a5 པོ་དང་མགོ་མཉམ་དུ་བྱུང་ངམ། འོན་ཏེ་མར་རང་ཉིད་བྱུང་ངམ། དེ་བཞིན་དུ་ཅི་ཞུན་མར་དེ་མར་གྱི་དངོས་པོ་དང་མགོ་མཉམ་དུ་བྱུང་ངམ། འོན་ཏེ་ཞུན་མར་རང་ཉིད་བྱུང་ངམ། དེ
160a6 བཞིན་དུ་ཅི་མར་གྱི་ཉིང་ཁུ་དེ་ཞུན་མར་གྱི་དངོས་པོ་དང་མགོ་མཉམ་དུ་བྱུང་ངམ། འོན་ཏེ་མར་གྱི་ཉིང་ཁུ་རང་ཉིད་བྱུང་ངམ། འོན་ཏེ་སྣུམ་དེ་གཞན་ཞིག་ནས་བྱུང་ངམ། གལ་ཏེ
160a7 གཞན་ཞིག་ལས་བྱུང་ན། དེ་ལྟ་ན་གང་ལས་བྱུང་། དེ་སྟེ་འོ་མ་མེད་པར་ཞོ་བྱུང་ན་ནི། འོ་མ་མི་དགོས་པར་འགྱུར་རེ། གལ་ཏེ་དེ་ལྟ་ན་ནི། རང་བཞིན་ཅན་དུ་འགྱུར་ལ་ཞོའི་རྒྱུ
iiif viewer powered by OpenSeadragon
