| e-texts navigator |
| Wylie |
15b1 དྲི་བསུང་ཞིམ་པོ་སྣ་ཚོགས་ཀྱིས་མཛེས་པར་བྱས་པ། མེ་ཏོག་གི་སིལ་མ་བཀྲམ་ཞིང་བཀོད་པ། དཔུང་གི་ཚོགས་ཡན་ལག་བཞི་ཕྱི་བཞིན་འབྲང་བ་ཤ་སྟག་སྟེ། སོ་སོ་ནས་མཆི་མ་ཁྲག་ལྟ་བུ
15b2 མི་ཐུབ་ཅིང་མཆོག་ཏུ་སྡུག་བསྔལ་བས་གདུངས་ནས་སེམས་ཅན་ཐམས་ཅད་ལ་ཕན་པ་དང་། བདེ་བ་དང་། སྙིང་བརྩེ་བའི་ཕྱིར་དང་། གདུལ་བར་བྱ་བའི་དབང་གི་དོན་དུ་ཐེག་པ་ཆེན་པོའི་མཆོག
15b3 ཏུ་གསང་བ། སྟོང་པ་ཉིད་ཀྱི་རྣམ་པ་དགོངས་པའི་ཚིག་རྣམ་པ་སྣ་ཚོགས་ཀྱི་ཆོས་ཀྱི་སྒོའི་ཆུལ་བཤད་པར་བྱ་བའི་ཕྱིར་བཅོམ་ལྡན་འདས་ཀྱི་ཐད་དུ་དོང་སྟེ་བཅོམ་ལྡན་འདས་ཀྱི་ཞབས་ལ་མགོ
15b4 བོས་ཕྱག་བཙལ་ནས་མཆོད་པ་དང་། བཀུར་སྟིའི་མཆོག་རྣམ་པོ་མང་པོ་དག་བྱས་ཏེ་བསྐོར་བའང་བྱས་ནས་བཅོམ་ལྡན་འདས་ཀྱི་འཁོར་རྣམས་ཀྱི་ཕྱིར་རང་རང་གི་བླ་གོས་ས་ལ་བཏིང་སྟེ་རང་རང
15b5 གི་རྒྱན་རྣམས་ཕོག་ཅིང་གཏོར་ནས་རང་རང་གི་སྐྲ་འབལ་ཅིང་སྐད་མི་སྙན་པས་དུ་སྟེ། བཅོམ་ལྡན་འདས་ལ་ཚིག་མཐུན་པར་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་བདག་གིས་སྦྱར
15b6 བ་ཨའི་བཤོས་གསོལ་ཏེ་ཡོངས་སུ་མྱ་ངན་ལས་འདའ་བར་མཛད་དུ་གསོལ་ཞེས་ལན་གཉིས་ལན་གསུམ་དུ་གསོལ་བ་བཏབ་ཀྱང་བཅོམ་ལྡན་འདས་ཀྱིས་མ་བཞེས་ཏེ་ཅང་མི་གསུང་ནས་དེ་དག་རེ
15b7 ཐག་ཆད་དེ་ལངས་ནས་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་ཀླུའི་རྒྱལ་པོ་ཕྱོགས་བཞི་ན་གནས་པ་ཀླུའི་རྒྱལ་པོ་ནོར་རྒྱས་ཀྱི་བུ་དང་། དགའ་བོ་དང་། ཉེ་དགའ་བོལ་སོགས་པ་ཀླུའི
iiif viewer powered by OpenSeadragon
