| e-texts navigator |
| Wylie |
15a1 བདག་ཅག་རྒལ་ནས་གཞན་བསྒྲལ་བར་བྱའོ། །བདག་ཅག་གོལ་ནས་གཞན་དགྲོལ་བར་བྱའོ། །ཆོས་ཀྱི་འཁོར་ལོ་བསྐོར་བར་བྱའོ། །དཀོན་མཆོག་གསུམ
15a2 གྱི་གདུང་མི་འཆད་པར་བྱའོ། །སྙམ་དུ་སློབ་པར་འདོད་པ། གོ་ཆ་ཆེན་པོ་བགོས་པ། བསླབ་པ་རྣམས་ལ་དམ་བཅས་པ་བརྟན་པ་དང་། དེ་བཞིན་དུ་ཡོན་ཏན་དཔག་ཏུ་མེད་པ་དང་ལྡན་པ།
15a3 བུ་གཅིག་པ་ལ་བྱ་བ་བཞིན་དུ་འཇིག་རྟེན་ཐམས་ཅད་ལ་སྙིང་རྗེས་ལྟ་བ་ཤ་སྟག་སྟེ། དེ་དག་ཀྱང་ཉི་མ་འཆར་ཀར་སྟོན་པ་ཡོངས་སུ་མྱ་ངན་ལས་འདའ་བའི་གདུང་ཞུགས་ལ་བཞེན་པའི
15a4 ཕྱིར་བུད་ཤིང་དང་། ཡམ་བསྲེག་ཤིང་རྣམས་ཁྱེར་ཏེ། དེ་དག་ཀྱང་སྔ་མས་ཕུལ་བའི་ཡམ་བསྲེག་ཤིང་གི་ཉིས་འགྱུར་བས་བཟང་པའི་ལྷ་རྫས་དྲི་བསུང་དང་ལྡན་པ། ཡིད་དུ་འོང་བ། མི་ལ་དཀོན
15a5 པ་ཤ་སྟག་གོ་། ཤིང་རྟའང་རྟའི་མཆོག་མགྱོགས་པ་དག་དང་སྦྱར་པ། དར་ལ་དཀར་པོས་གཡོགས་པ། གཟུགས་དང་དབྱིབས་རི་མོ་བྲིར་ཡང་མི་ནུས་པ། དྲིལ་བུ་གཡེར་ཀའི་དྲ་བ་ཅན
15a6 གྱི་ཡོལ་བས་བསྐོར་བ། དར་ཡུག་ཁྱིམ་ཆེན་པོའི་བླ་རེ་རྒྱ་ཆེན་པོ་རྩ་བ་རི་མོ་ཅན་དག་ལ་བཙུགས་པ་དང་། གར་ཐབས་དང་རོལ་མོ་ཡིད་དུ་འོང་བ་རྣམས་ཀྱིས་མདུན་དུ་དྲངས་པ། ཁ་ཟས
15a7 ཞིམ་པོ་མང་པོ་དག་དང་། སེངྒེའི་ཁྲི་བཻཌཱུཪྱའི་རྒྱབ་རྟེན་རྩེ་མོ་ནོར་བུའི་འོད་ཀྱིས་སྣང་བར་བྱས་པ། ཞབས་རྟེན་གསེར་ལས་བྱས་པ་དག་ཀྱང་བཤམས་པ་དང་། ས་ཕྱོགས་ཀྱང་མེ་ཏོག
iiif viewer powered by OpenSeadragon
