| e-texts navigator |
| Wylie |
159b1 རབ་ཅན་རྣམས་ཀྱིས་ནི། གཉིས་སུ་མེད་པར་ཤེས་སོ། །ཞེས་གསུངས་ཏེ། དེ་ནི། ཤེས་རབ་ཅན་རྣམས་ཀྱི་རང་བཞིན་ཡིན་ནོ། །བྱིས་པ་རྣམས་ནི། ཆོས་ཐམས་ཅད་ནག་པོ་དང་། དཀར
159b2 པོའོ། །ཞེས་བྱ་བ་ལ་གཉིས་སུ་འཛིན་ཏོ། །ཤེས་རབ་ཅན་རྣམས་ཀྱིས་ནི། གཉིས་སུ་མེད་པར་ཤེས་སོ། །ཞེས་གསུངས་ཏེ། དེ་ནི། ཤེས་རབ་ཅན་རྣམས་ཀྱི་རང་བཞིན་ཡིན་ནོ། །བྱིས
159b3 པ་རྣམས་ནི། ཆོས་ཐམས་ཅད་སྡུག་བསྔལ་བ་དང་། བདེ་བ་ཐ་དད་པ་གཉིས་སུ་སྒོམ་པར་བྱེད་དོ། །ཤེས་རབ་ཅན་རྣམས་ནི། གཉིས་སུ་མེད་པར་སྒོམ་མོ། །ཞེས་གསུངས་ཏེ།
159b4 དེ་ནི། ཤེས་རབ་ཅན་རྣམས་ཀྱི་རང་བཞིན་ཡིན་ནོ། །བྱིས་པའི་བློ་ཅན་རྣམས་ནི། དེ་བཞིན་གཤེགས་པའི་སྙིང་པོ་ལ་འདུས་བྱས་ཐམས་ཅད་མི་རྟག་པའོ། །ཞེས་སྒོམ་པར་བྱེད་དོ། །
159b5 ཤེས་རབ་ཅན་རྣམས་ཀྱིས་ནི། གཉིས་སུ་མེད་པར་ཤེས་སོ། །ཞེས་གསུངས་ཏེ། དེ་ནི། ཤེས་རབ་ཅན་རྣམས་ཀྱི་རང་བཞིན་ཡིན་ནོ། །བྱིས་པ་རྣམས་ནི། སངས་རྒྱས་ཀྱིས་བདག་མེད
159b6 པར་གསུངས་པ་ལ་ཆོས་ཐམས་ཅད་བདག་མེད་པར་འཛིན་ཏོ། །ཤེས་རབ་ཅན་རྣམས་ཀྱིས་ནི། བདག་ཡོད་པ་དང་། བདག་མེད་པ་གཉིས་སུ་མེད་པར་ཤེས་ཏེ། དེ་ནི། ཤེས་རབ་ཅན
159b7 རྣམས་ཀྱི་རང་བཞིན་ཡིན་ནོ། །དེ་བཞིན་གཤེགས་པའི་སྙིང་པོ་དཔག་ཏུ་མེད་པ་སངས་རྒྱས་ཀྱིས་བསྔགས་པ་ནི། བསོད་ནམས་ཐམས་ཅད་བསྡུས་པའི་མདོ་ལས་ངས་བསྟན་ཏེ།
iiif viewer powered by OpenSeadragon
