| e-texts navigator |
| Wylie |
159a1 དང་། བརྟན་པ་དང་། ཐེར་ཟུག་པ་དེ་སྒྱུ་མ་ཙམ་དུ་ཡོད་པར་ཤེས་སོ། །ཐར་པ་བསྟན་ན་ནི། བྱིས་པ་རྣམས་སངས་རྒྱས་རྣམས་ཀྱིས་ཐར་པ་རྙེད་ནས་མེད་པར
159a2 འགྱུར་རོ་སྙམ་དུ་འཛིན་ཏོ། །ཤེས་རབ་ཅན་རྣམས་ཀྱིས་ནི། །སངས་རྒྱས་བྱོན་པ་དང་། གཤེགས་པ་ཡོད་པར་ཤེས་ཏེ་མིའི་སེངྒེའི་བྱོན་ཏོ། །ཞེས་ཟེར་རོ། །བྱིས་པ་རྣམས་ནི། མ་རིག
159a3 པའི་རྐྱེན་གྱིས་འདུ་བྱེད་རྣམས་ཞེས་བྱ་བ་ལ་གཉིས་སུ་འཛིན་ཏོ། །ཤེས་རབ་ཅན་རྣམས་ཀྱིས་ནི། མ་རིག་པ་དང་། རིག་པ་ཐ་དད་པ་གཉིས་སུ་མེད་པར་ཤེས་སོ། །བྱིས་པ་རྣམས་ནི།
159a4 འདུ་བྱེད་ཀྱི་རྐྱེན་གྱིས་རྣམ་པར་ཤེས་པ་ཞེས་བྱ་བ་ལ་གཉིས་སུ་འཛིན་ཏོ། །ཤེས་རབ་ཅན་རྣམས་ཀྱིས་ནི། འདུ་བྱེད་རྣམས་དང་། འདུ་བྱེད་པ་མེད་པ་ཐ་དད་པ་མེད་པ་གཉིས་སུ
159a5 མེད་པར་ཤེས་སོ། །དེ་བཞིན་དུ་བྱིས་པ་རྣམས་དགེ་བ་དང་། མི་དགེ་བ་ཐམས་ཅད་ལ་ཐ་དད་པ་གཉིས་སུ་འཛིན་ཏོ། །ཤེས་རབ་ཅན་རྣམས་ཀྱིས་ནི། གཉིས་སུ་མེད་པར
159a6 ཤེས་སོ། །ཞེས་གསུངས་སོ། །བྱིས་པ་རྣམས་ནི། ཁ་ན་མ་ཐོ་བ་དང་། ཁ་ན་མ་ཐོ་བ་མེད་པ་ལ་གཉིས་སུ་འཛིན་ཏོ། །ཤེས་རབ་ཅན་རྣམས་ཀྱིས་ནི། དེ་བཞིན་དུ་གཉིས་སུ་མེད
159a7 པར་ཤེས་སོ། །ཞེས་གསུངས་ཏེ། དེ་ནི། ཤེས་རབ་ཅན་རྣམས་ཀྱི་རང་བཞིན་ཡིན་ནོ། །བྱིས་པ་རྣམས་ནི། ལམ་དང་། ལམ་མ་ཡིན་པ་ཞེས་བྱ་བ་ལ་གཉིས་སུ་འཛིན་ཏོ། །ཤེས
iiif viewer powered by OpenSeadragon
