| e-texts navigator |
| Wylie |
158b1 ནི|་དེ་བཞིན་གཤེགས་པའི་སྙིང་པོ་སྟེ། སངས་རྒྱས་ཀྱི་ཁམས་ཞེས་བྱ་བ་ཡིན་གྱི། ཁམས་ཐམས་ཅད་སྤངས་ཏེ་རྟག་པ་དང་བརྟན་པ་ལ་ནན་ཏན་གྱིས་ཤིག་།ཤེས་རབ་ཅན་རྣམས
158b2 ཀྱིས་ནི། ཡོད་པ་ལའང་ཆགས་པར་མི་བྱའོ། །མེད་ཅེས་བྱ་བའང་བརྫུན་དུ་སྨྲ་བ་ལས་བྱུང་བ་ཡིན་ནོ། །ཡོད་ཅེས་བྱ་བའང་ཁ་རོག་སྟེ། ཁས་བླང་བར་མི་བྱའོ། །རྩོད་པར་ཡང་མི་བྱ་སྟེ།
158b3 འདི་དག་རང་བཞིན་གྱིས་ཆོས་ཉིད་དུ་ཤེས་པར་བྱའོ། །བླུན་པོ་དགོངས་པའི་ཚིག་མི་ཤེས་པ་རྣམས་ཀྱིས་ནི། ངའི་ལུས་ལ་བདེ་བའི་ས་བོན་དེ་ལྟ་བུ་ཡོད་བཞིན་དུ་སྡུག་བསྔལ་བར
158b4 བསྟན་པའི་ཕྱིར་རྟག་ཏུ་རྩོད་པར་བྱེད་དེ་ཐམས་ཅད་བཟུང་བས་བྱིས་པ་རྣམས་ངའི་ལུས་མི་བརྟན་ནོ། །སྙམ་དུ་སེམས་ཤིང་རྟོག་པར་བྱེད་དོ། །མི་རྟག་པ་བསྟན་ན་ནི། བྱིས་པ་རྣམས
158b5 རྫ་མཁན་གྱི་སྣོད་བཞིན་དུ་མི་རྟག་གོ། སྙམ་དུ་འཛིན་ཏོ། །ཤེས་རབ་ཅན་རྣམས་ཀྱིས་ནི། ངའི་ལུས་ལ་ཆོས་ཀྱི་སྐུའི་ས་བོན་དེ་ལྟ་བུ་ཡོད་དོ། །སྙམ་དུ་ཤེས་པས་ཐམས་ཅད་འཛིན་པར་མི
158b6 བྱེད་དོ|་|བདག་མེད་པ་བསྟན་ན་ནི། བྱིས་པ་རྣམས་བསྟན་པ་བདག་མེད་དོ་སྙམ་དུ་འཛིན་ཏོ། །ཤེས་རབ་ཅན་རྣམས་ཀྱིས་ནི། ཐ་སྙད་དུ་ཡོད་དོ་སྙམ་དུ་ཤེས་ཏེ། ཐེ་ཚོམ་མེད་དོ། །དེ
158b7 བཞིན་གཤེགས་པའི་སྙིང་པོ་ནི། སྟོང་པ་ཡིན་ནོ། །ཞེས་བསྟན་ན་ནི། བྱིས་པ་རྣམས་ཆད་པ་འཇིགས་སུ་རུང་བའི་ཡོན་པོ་སྒོམ་པར་བྱེད་དོ། །ཤེས་རབ་ཅན་རྣམས་ཀྱིས་ནི། རྟག་པ
iiif viewer powered by OpenSeadragon
