| e-texts navigator |
| Wylie |
158a1 རྟག་པར་བསྒོམ་པར་བྱའོ། །དེ་བཞིན་གཤེགས་པའི་ཆོས་ལ་སོགས་པ་ཆོས་གཞན་དག་ལ་ནི། རྟག་པར་བསྒོམ་པར་བྱའོ། །གཞི་གསུམ་དང་ཐར་པའི་དེ
158a2 ཁོ་ན་ཉིད་ནི། སྲིན་བུ་པད་པ་ཟ་བ་ལྟ་བུ་མ་ཡིན་ནོ། །སངས་རྒྱས་ཀྱི་གསུང་ནི། དབུ་མའི་ལམ་འདི་ཡིན་ནོ། །ཞེས་ཤེས་པར་གྱིས་ཤིག། སངས་རྒྱས་བཅོམ་ལྡན་འདས་ཀྱིས
158a3 ནི|་ཆད་པ་དང་རྟག་པ་གཉི་གའི་མཐའ་སྤངས་པ་དབུ་མའི་ལམ་དུ་གསུངས་སོ། །བླུན་པོ་རྣམས་ནི། སངས་རྒྱས་ཀྱི་གསུང་ལ་རྨོངས་ཏེ། ཕོ་བའི་དྲོད་ཆུང་བ་རྣམས་མར་ཆེར
158a4 ཟ་བ་བཞིན་དུ་མྱུར་དུ་མཐའ་གཉིས་སུ་ལྟ་བར་འགྱུར་ལ། ཡོད་ཅེས་བྱ་བའང་མ་གྲུབ། མེད་ཅེས་བྱ་བའང་མི་འཐད་དོ། །དཔེར་ན། སྨན་པ་རྣམས་ནི། མཁྲིས་པ་ལ་སོགས
158a5 པའི་ཁམས་རྣམས་འཁྲུགས་ཏེ་ཕན་ཚུན་མི་མཐུན་དུ་ཟིན་ཀྱང་མཁྲིས་པའི་ནད་ལ་ནི། མཁྲིས་པ་ཞི་བར་བྱེད། རླུང་ཤས་ཆེ་བ་ལ་ནི། རླུང་སེལ་བར་བྱེད། བད་ཀན་ཅན
158a6 ལ་ནི|་བད་ཀན་མེད་པར་བྱེད། ཆ་འདུས་པ་ལ་ནི། ཆ་འདུས་པའི་གཉེན་པོ་བྱེད་དེ། ཕན་ཚུན་མི་མཐུན་པར་འགྱུར་བའང་མི་བྱེད་ལ་བདེ་བའང་སྐྱེད་པར་བྱེད་པ་དེ་བཞིན
158a7 དུ་སྨན་པ་ལྟར་ཉོན་མོངས་པའི་རྣམ་པའི་ནད་མཐའ་ཡས་པ་རྣམས་མཐར་གྱིས་བསལ་ཏེ། ཡང་དག་པའི་ཁམས་ཀྱང་གསོ་བར་གྱིས་ཤིག་།ཡང་དག་པའི་ཁམས་ཞེས་བྱ་བ
iiif viewer powered by OpenSeadragon
