| e-texts navigator |
| Wylie |
157a1 སེམས་ཅན་ཐམས་ཅད་ལ་བསྟན་པར་འཚལ་ལོ། །སེམས་ཅན་སུའང་རུང་སྟེ་དེ་བཞིན་གཤེགས་པའི་སྙིང་པོ་རྟོགས་པར་བགྱི་བའི་སླད་དུ་མདོ་འདི་ལ་མངོན་པར་དད
157a2 པ་རྣམས་ནི། རང་ཉིད་སྐྱབས་གསུམ་ལགས་ཏེ། དེས་ནི། བདག་ཉིད་ལ་སྐྱབས་སུ་མཆི་བར་བགྱིའི། གཞི་གསུམ་ལ་ནི། མི་དགོས་ལགས་སོ། །དེ་ཅིའི་སླད་དུ་ཞེ་ན། དེ་བཞིན་གཤེགས
157a3 པའི་སྙིང་པོ་སངས་རྒྱས་ཀྱི་ཁམས་མཆིས་པའི་སླད་དུའོ། །རྣམ་པར་བརྟགས་ནས་བདག་གི་ལུས་ལ་སངས་རྒྱས་ཀྱི་ཁམས་མཆིས་སོ། །ཞེས་བརྗོད་པར་བགྱིའོ། །དེ་ལྟར་འཚལ་ནས་དེས
157a4 སྐྱབས་གསུམ་དུའང་མཆི་བར་མི་བགྱི་སྟེ། དེ་ཉིད་ཆོས་དང་། དགེ་འདུན་གྱི་སྐྱབས་སུ་གྱུར་པ་དང་། ཉན་ཐོས་དང་། རང་སངས་རྒྱས་ཀྱི་རྣམས་ཀྱིས་རྟག་ཏུ་ཕྱག་བགྱི་བའི་གནས་ལགས་སོ། །
157a5 དེ་བས་ན། ཐེག་པ་ཆེན་པོ་སྒྲུབ་པ་བརྩམ་པར་བགྱིའོ། །དེ་ལྟར་ན། སངས་རྒྱས་ཀྱི་ཁམས་དང་། མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་ནི། བསམ་གྱིས་མི་ཁྱབ
157a6 ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ། ལེགས་སོ། །ལེགས་སོ། །ཤེས་རབ་རྣོན་པོས་ནི། དེ་ལྟར་བྱ་དགོས་སོ། །རིགས་ཀྱི་བུ། གཞན་ཡང་དེ་བཞིན
157a7 གཤེགས་པའི་སྙིང་པོ་ལ་འཇུག་པ་ངས་བཤད་པར་བྱའོ། །གལ་ཏེ་བདག་བརྟན་པ་དང་ཐེར་ཟུག་པ་ཡིན་ན་ནི། སྡུག་བསྔལ་གྱི་མཐའ་ཡོད་པར་མི་འགྱུར་ལ། གལ་ཏེ་བདག་མེད་ནའང
iiif viewer powered by OpenSeadragon
